स्याङजा ८ भदौ । पुतलीबजार नगरपालिका ३ स्थित सूर्योदय महिला क्लवद्धारा आयोजित तीज गीत तथा नृत्य प्रतियोगिता सम्पन्न भएको छ । तीज गीत प्रतियोगितामा वडा नं. १ को समूह प्रथम र वडा नं. ३ का समूहले द्धितिय, तृतीय र सान्वना पुरस्कार पाएका छन् ।
वडा नं. १ को दुर्गानागर सांस्कृतिक समूह प्रथम भएको छ भने वडा नं. ३ का शाहीथर आमा समूह द्धितिय, शिशुनिकेतन शिक्षक समूह तृतीय र कालाभैरब आमा समूह सान्त्वना भएका हुन । प्रथम, द्धितिय, तृतीय र सान्वना हुनेले क्रमश ः २० हजार, १५ हजार, १० हजार र ५ हजार नगद पुरस्कार पाएका छन् । यसैगरी, नृत्यतर्फ स्वीकृती परियार प्रथम, कंचन शर्मा द्धितिय र अञ्जनी रेग्मी तृतीय भएका हुन । उनीहरुले पनि क्रशम ः ५ हजार, ३ हजार र २ हजार नगद पुरस्कार पाएका हुन ।
यस्तै, राजनीति क्षेत्रबाट सीमा क्षेत्री, धार्मिक क्षेत्रबाट ब्रह्मकुमारी अम्बिका दिदी, स्वास्थ्य क्षेत्रबाट मिठु ढकाल, शिक्षा क्षेत्रबाट गंगा शर्मालाई सम्मान गरिएको छ ।
तीज गीत तथा नृत्य प्रतियोगिताको उदघाटन गर्दै गण्डकी प्रदेशसभा सदस्य एवं सार्वजनिक लेखा समिति सभापति सुधिरकुमार पौडेलले तीज पर्वका माध्यमबाट हाम्रा, कला, संस्कृतिलाई जगेर्ना गर्दे मनाउनुपर्नेमा जोड दिनुभयो ।
कार्यक्रममा पुतलीबजार नगरप्रमुख तुलसीराम रेग्मी, उपप्रमुख देवी अर्याल, निवर्तमान प्रमुख सीमा क्षेत्री, मुक्तिनाथ विकास बैंकका संचालक सदस्य भरतप्रसाद लम्साल, उद्योग वाणिज्य संघका पूर्वअध्यक्ष दिपक लम्साल, वडा नं. ३ का कार्यवाहक अध्यक्ष सोमबहादुर कुँवर लगायतले शुभकामना मन्तब्य ब्यक्त गर्नुभएको थियो ।
क्लवका अध्यक्ष तारा पौडेल श्रेष्ठको अध्यक्षतामा सम्पन्न कार्यक्रममा उपाध्यक्ष मीरा मल्लले स्वागत र संचारकर्मी बिक्रम परियारले संचालन गर्नुभएको थियो ।