स्याङ्जा ४ भदौ । स्याङ्जा सदरमुकाम स्थित सिटिहलमा आयोजित तिजमा बरिलै भाग २ अन्र्तगत खुल्ला तीज गीत तथा एकल नृत्य प्रतियोगिता सम्पन्न भएको छ ।
प्रतियोगितामा पुतलीबजार ९ को एकता बुहारी समूह कोल्मा प्रथम भएको छ । चोैध प्रतिस्पर्धी समूह सहभागि रहेको सो प्रतियोगितामा दुर्गानगर आमा समूह द्धित्तिय, गैरीखेत आमा समूह तृतिय, लत्रेपिपल आमा समूह र नयाँबजार आमा समूह सान्त्वना भएका छन ।
यसैगरी, एकल नृत्यतर्फ कन्चन शर्मा प्रथम, सृष्टि घले द्धित्तिय, रविना श्रेष्ठ तृतिय र सन्ध्या मरासिनी सान्त्वना हुनु भएको छ ।
कार्यक्रमको उद्घाटन गर्दै गण्डकी प्रदेशका पुर्व अर्थमन्त्री एवम् प्रदेशसभा सदस्य सीता सुन्दासले नारीहरुको मौलिक पर्व तिजको मौलिकता हराउन दिन नहुने बताईन । तीज नारीहरुको पहिचान र नेपालीहरुको पहिचान भएको बताउनुभयो । तिजको मौलिकता जोगाउन पछिल्लो समय बढ्दै आएको तडकभडक र देखासिकी रोक्न आवश्यक रहेको उहाको भनाई छ ।
कार्यक्रममा नेकपा एमाले केन्द्रिय सदस्य तथा पुतलीबजारका निवर्तमान नगर प्रमुख सीमा क्षेत्री, पुतलीबजार उपप्रमुख देवी अर्याल, प्रमुख जिल्ला अधिकारी इश्वरीप्रसाद अर्याल, मुक्तिनाथ विकास बैंकका संचालक समिती सदस्य भरतप्रसाद ढकाल, खुमा अर्याल फाउन्डेसनका अध्यक्ष लेखनाथ शर्मा, नेपाली काङ्ग्रेसका नगर सभापती सुरज कुमार अधिकारी, नेकपा एमाले स्याङ्जा क्षेत्र न १ का सचिव अमृत नेपाली, रास्वपा स्याङ्जाका नेता बोधराज रेग्मी लगायतले शुभकामना मन्तव्य व्यक्त गरेका थिए ।
आँधीखोला एक्स्प्रेस न्युज प्रा लि का अध्यक्ष रोसन लामिछानेको अध्यक्षतामा सम्पन्न कार्यक्रममा जनप्रतिनिधि सोमबहादुर कुवरले स्वागत र व्यवस्थापक राधाकृष्ण शर्माले संचालन गरेका थिए । यसैगरी, स्याङ्जाको लोक, कला र संस्कृतिमा योगदान पु¥याएकोको भन्दै लोकगायक लोकनाथ सापकोटालाई नगद सहित सम्मान गरिएको थियो ।