स्याङ्जा २८ असार । आत्महत्याका मृत्युदर बढ्न थालेपछि यस्ता कार्यलाई निरुत्साहित बनाउने उदेश्यले प्रहरीले तनाव ब्यवस्थापन सम्बन्धी प्रशिक्षण दिएको छ ।
जिल्ला प्रहरी कार्यालय स्याङ्जाको आयोजना तथा पुतलीबजार नगरपालिका वडा नं. १३ स्थित लाम्पाटा बजार ब्यवस्थापन समितिको ब्यवस्थापनमा शनिवार सो प्रशिक्षण दिएको हो ।
प्रशिक्षण कार्यक्रमको शुभारम्भ गर्दै प्रहरी उपरीक्षक दधिराम न्यौपानेले तनाव ब्यवस्थापन गर्न नसक्दा आत्महत्या जस्ता दुर्घटना बढ्न सक्ने बताउनुभयो । तनावको ब्यवस्थापनगरि मानसिक एवं शारिरीक सन्तुलन बनाउन सकिने र यस्ता बिचार समेत नआउने उहाको भनाई छ ।
आफनो मन र मस्तिस्कलाई आफैंले ब्यवस्थापन गर्नुपर्ने जनाउदै सकारात्मक सोच र गरेमा तनाव नहुनेमा उहाले जोड दिनुभयो ।
तनावका कारण बिभिन्न खालका रोग लाग्नुका साथै आत्महत्या तथा हत्या जस्ता दुर्घटना हुन सक्ने बताउनुभयो । कार्यक्रममा उहाले तनाव ब्यवस्थापन सम्बन्धी भिडियो र कार्यपत्र प्रस्तुत गर्नुभएको थियो ।
कार्यक्रममा वडा अध्यक्ष जुद्धबहादुर थापा, जेष्ठ नागरिक मंच गण्डकी प्रदेश अध्यक्ष धु्रवराज अधिकारी, नागरिक समाजका अध्यक्ष ओमप्रकाश शर्मा, स्याङ्जा जिल्ला उद्योग वाणिज्य संघका पूर्वअध्यक्ष दिपक लम्साल, मातृभूमि बिद्यालय ब्यवस्थापन समितिका अध्यक्ष ख्यामनारायण अधिकारीले तनाव ब्यवस्थापन सम्बन्धीका ज्ञान सिकेर घरपरिवार र समाजहुदै वडाका सबै नागरिकसम्म पुरयाउनु पर्नेमा जोड दिनुभयो ।
लाम्पाटा बजार ब्यवस्थापन समितिका अध्यक्ष महेन्द्रमान श्रेष्ठको अध्यक्षतामा सम्पन्न कार्यक्रममा सल्लाहकार मिनप्रसाद अर्यालले स्वागत र सचिव भीम रानाले संचालन गर्नुभएको थियो ।
कार्यक्रममा जनप्रतिनिधि, सामाजिक अगुवा, आमा समूह, युवा क्लव तथा बिभिन्न संघसंस्था, टोल विकास संस्था लगायत स्थानीयबासीको उल्लेख्य सहभागिता थियो ।