स्याङ्जा ७ चैत । बिहीबार(आज) देखि सुरु भएको माध्यमिक शिक्षा परीक्षा (एसईई) मा स्याङ्जाबाट झण्डै ५ हजार बिद्यार्थी सहभागी हुने भएका छन ।
यसबर्षको एसईई जिल्लाभरका ४ हजार ९९२ विद्यार्थी सहभागी हुने भएका शिक्षा समन्वय विकास कार्यालय प्रमुख विश्वराज आचार्यले जानकारी दिनुभयो । परीक्षार्थी मध्ये २ हजार ४२३ छात्र र २ हजार ५६९जना छात्रा छन ।
प्रमुख आचार्यका अनुसार, ‘नियमिततर्फ ३ हजार ७३२ र ग्रेडवृद्धितर्फ १ हजार २६० जना छन्। ती मध्ये नियमिततर्फ १ सय ३४ र ग्रेडबृद्धितर्फ ५० जना प्राबिधिकतर्फका बिद्यार्थी हुन।’ जिल्लाभरका १ सय ७२ विद्यालयले एसइइमा सहभागी हुदैछन्। तीमध्ये सामुदायिकका १ सय ३७ र संस्थागतका ३५ बिद्यालय छन्। प्राबिधिकका ६ वटा र ३ धार्मिक बिद्यालय छन्।
यस वर्षको परीक्षाका लागि स्याङ्जामा २५ वटा परीक्षा केन्द्रको तोकिएका छन। एसईई परीक्षामा २५ केन्द्राध्यक्ष, ४५ सहायक केन्द्राध्यक्ष, २६५ निरीक्षक, परीक्षा सहायक ६२ जना, सहयोगी ११० र सुरक्षाकर्मी ३७५ जना गरी कुल ८८२ जनशक्ति परिचालन गरिएको छ।
पुतलीबजारमा ५ र वालिङ् नगरपालिकामा ७ वटा परीक्षा केन्द्र छन्। कालीगण्डकी गाउँपालिका र गल्याङ, चापाकोट र भीरकोट नगरपालिकामा दुई÷दुई केन्द्र राखिएका छन्। अर्जुनचौपारी, आँधीखोला, फेदीखोला, बिरुवा र हरिनास गाउँपालिकामा एक÷एक वटा परीक्षा केन्द्रबाट परिक्षा संचालन भैरहेका छन्।
यस वर्षको एसईई चैत ७ गतेदेखि सुरू भएर १९ गते सकिनेछ भने परीक्षा बिहान ८ बजेदेखि बिहान ११ बजेसम्म सञ्चालन हुने भएको छ। पहिलो दिने आज अनिवार्य अंग्रेजी बिषयको परिक्षा दिइरहेका छन्।
