स्याङ्जा २२ माघ । स्याङ्जाका किशोरीलाई लक्षितगर्दै मंगलवारदेखी महिलाका पाठेघरको मुखको क्यान्सर बिरुद्धको एचपिभी खोप मंगलबार (आज) देखि लगाउन सुरु गरिएको छ।
पुतलीबजार नगर प्रमुख तुलसीराम रेग्मीले पुतलीबजार नगरपालिका १ स्थित त्रिभुवन आदर्श मावि प्रांगणमा स्वास्थकर्लर्मीलाइ खोप बक्स हस्तान्तरण गर्दै पुतलीबजारमा खोप अभियान सुरु गर्नुभएको हो ।
लक्षित उमेर समुहका सबैलाई खोप लगाउन आग्रह गर्दै पाठेघरको मुखको क्यान्सरबाट हुन सक्ने संक्रमणबाट सुरक्षीत रहन नगर प्रमुख रेग्मीले सुझाव दिनुभयो । पटक पटक परिक्षणगरी प्रमाणित भैसकेको खोप प्रति आशंका नगरीकन लगाउनु पर्नेमा उहाले जोड दिनुभयो । बढदो पाठेघरको मुखको क्यान्सरको नियन्त्रणका लागि किशोरीलाई लक्षित गर्दै सरकारले पहिलो पटक खोप अभियान संचालन गरेको उहाले भन्नुभयो ।
कार्यक्रममा स्याङ्जा अस्पताल प्रमुख एवं मेसु डा. सुशिल मरासीनी, प्रधानाध्यापक मुक्तिप्रसाद रेग्मी, पुतलीबजार स्वास्थ्य शाखा प्रमुख अनिषा सुवेदी, स्वास्थ्य अधिकृत इश्वर थापा लगायतले एचपिभी खोपको आवश्यकताका बारेमा जानकारी गराउदै खोप लगाउनका लागि कुनै पनि किशोरी छुट्न नहुनेमा जोड दिनुभयो ।
स्याङ्जाका ११ पालिकाका ९ हजार ३१९ जना किशोरीलाई पाठेघरको मुखको क्यान्सर विरुद्ध प्रयोग गरिने ह्युमन प्यापिलोमा भाइरस (एचपिभी( खोप लगाईने भएको हो । यहाँका १० देखि १४ वर्ष उमेरसमूहका किशोरीलाई एचपिभी खोप लगाइने भएको छ।
यहाँका ५ नगरपालिका सहित ६ गाउँपालिकामा अध्ययनरत कक्षा ६ देखि १० कक्षाका ९ हजार २८८ जना छात्राहरु र विद्यालय नजाने ३१ जना किशोरीलाई खोप लगाइने छ।
ती मध्ये कक्षा ६ मा अध्ययरत १ हजार ८७७ जना छन भने कक्षा ७ देखि १० सम्म अध्ययरत छात्राको संख्या ७ हजार ४११ छ। बिद्यालय नगएका मध्ये १० बर्ष उमेरका ७ जना र ११ देखि १४ बर्ष उमेरका २४ जना रहेको जनस्वास्थ्य कार्यालय पुतलीबजार स्याङ्जाले जनाएको छ।
पुतलीबजार नगरपालिका १ हजार ७२०, वालिङ्का १ हजार ९८०, गल्याङका १ हजार १११ जना, चापाकोटका ८९० र भीरकोटका ८३३ जना किशोरीले खोप लगाउनेछन ।
यसैगरी, फेदीखोलाका ४६४, आँधीखोलाका ३९९, हरिनासका ४६१, बिरुवाका ४२६, अर्जुनचौपारीका ४३७ र कालीगण्डकीका ५९८ जना किशोरी छन ।
एचपिभी खोप लगाउँदा एचपिभीको सङ्क्रमणबाट हुने मुखको क्यान्सरलाई ७० प्रतिशतले घटाउन सहयोग पुग्ने विश्वास गरिएको छ ।
