स्याङ्जा १४ भदौ । नेपाल रेडक्रस सोसाइटी स्याङ्जा जिल्ला शाखाको आयोजनामा शनिवार अन्तरराष्ट्रिय बेपत्ता दिवस मनाइएको छ । दिवसको उदघाटन गर्दै प्रम्ुख जिल्ला अधिकारी इश्वरीप्रसाद अर्यालले बेपत्ता परिवारका पिरमार्का असहैय रहेको बताउदै उनीहरुका अवस्था बारे जानकारी गराउन राज्य प्रयासरत रहेको बताउनुभयो ।
आयोग मार्फत राज्यले बेपत्ता अवस्था पहिचान गराउन काम गर्दै आएको र एक दिन सो कार्य टुंगोमा पुग्नेमा प्रजिअ अर्यालले विश्वास दिलाउनुभयो । राज्य र तत्कालिन बिद्रोही पक्षका अवस्थाका कारण आमनागरिकले आजसम्म ठूलो पिडा भोग्नु परेको प्रजिअ अर्यालको भनाई थियो ।
कार्यक्रममा प्रहरी उपरीक्षक दधिराम न्यौपाने, नागरिक समाजका अध्यक्ष एवं पत्रकार महासंघका पूर्वअध्यक्ष ओमप्रकाश शर्मा लगायतले बेपत्ता परिवारसंग पुनर्मिलन तथा राहत तथा सहयोगका लागि राज्ये अव धेरै लम्ब्याउन नहुनेमा जोड दिनुभयो ।
रेडक्रस स्याङ्जाका सभापति दिनेश अर्यालको अध्यक्षतामा सम्पन्न कार्यक्रममा उपाध्यक्ष लक्ष्मी थापाले स्वागत र मन्त्री रामचन्द्र अर्यालले संचालन गर्नुभएको थियो ।
स्याङ्जामा अन्र्तराष्ट्रिय रेडक्रस सोसाइटी अनुसार १८ जना वेपत्ताका सूचीमा रहेको र ती मध्ये एक जना घर फर्कि आएको सभापति अर्यालले जानकारी गराउनुभयो ।
दिवसमा सहभागी भएका झण्डै एक दर्जन वेपत्ता परिवारका सदस्यले आआफना परिवारका सदस्य वेपत्ता भएको पीडा र वेपत्ता भएको समय, मिति र अवस्था जनाउदै “ लाश देउ कि सास देखाई देउ ” भन्दै पीडादायी रोदन सुनाएका थिए ।