स्याङ्जा ३ जेठ । स्याङ्जा जिल्लाको बेरुजु १६ करोड रुपैंयाभन्दा बढी औल्याईएको छ । लेखापरिक्षण गरिएको रकमको अंकका आधारमा स्याङ्जामा एक प्रतिशत रकम बेरुजु देखिएको छ ।
महालेखा परिक्षकको कार्यालयद्धारा बुधवार सार्वजनिक गरेको ६२ औं बार्षिक प्रतिवेदनमा स्याङ्जाका स्थानीय सरकारका बेरुजु औल्याएको हो ।
आर्थिक वर्ष २०८०÷८१ मा यहाँका एघार स्थानीय पालिकाको बेरुजु १६ करोड २० लाख ७ हजार छ। एघार वटै पालिकाको एकमुष्ट रकम १६ अर्ब २० करोड १३ लाख ३० हजारको लेखापरीक्षण गर्दा सो रकम बेरुजु देखिएको हो। समग्रमा यो एक प्रतिशत हो ।
पाँच नगरपालिका र ६ गाउँपालिका रहेको स्याङ्जामा प्रतिवेदन अनुरुप प्रतिशतका आधारमा सबैभन्दा बढी हरिनास गाउँपालिकाको र सबैभन्दा कम बिरुवा गाउँपालिकाकोे छ ।
हरिनासको ४ दशमलब ६३ प्रतिशत छ भने बिरुवाकोे सुन्य दशमलब १२ प्रतिशत छ ।
चापाकोट नगरपालिकाको २ दशमलब ०४ प्रतिशत, वालिङ् नगरपालिकाको १ दशमलब ०१ प्रतिशत, भीरकोट नगरपालिकाको सुन्य दशमलब ८० प्रतिशत, गल्याङ् नगरपालिकाको सुन्य दशमलब ६६ प्रतिशत, पुतलीबजार नगरपालिकाको सुन्य दशमलब ६१ प्रतिशत बेरुजु छ ।
आँधीखोला गाँउपालिकाको सुन्य दशमलब ७८ प्रतिशत, अर्जुनचौपारी गाउँपालिकाको सुन्य दशमलब ३७ प्रतिशत, फेदिखोला गाउँपालिकाको सुन्य दशमलब ३४ प्रतिशत, कालीगण्डकी गाउँपालिकाको सुन्य दशमलब २४ प्रतिशत र बिरुवा गाउँपालिकाको सुन्य दशमलब १२ प्रतिशत बेरुजु रहेको छ ।
नगरपालिकातर्फ क्रमश चापाकोट नगरपालिकाको १ अर्ब ५२ करोड ४२ लाख ९८ हजारको लेखापरीक्षण गर्दा ३ करोड ११ लाख ४२ हजार बेरुजु देखिएको छ ।
वालिङ नगरपालिकाको २ अर्ब २८ करोड ७६ लाख ७७ हजारको परीक्षणमा २ करोड ३० लाख ३० हजार बेरुजु छ ।
भीरकोट नगरपालिकाको १ अर्ब ५६ करोड ४६ लाख ७ हजारको परीक्षणमा १ करोड २४ लाख ८८ हजार बेरुजु देखिएको छ ।
गल्याङ नगरपालिकाको १ अर्ब ७९ करोड ५३ लाख ४४ हजारको परीक्षणमा १ करोड १८ लाख २१ हजार बेरुजु छ ।
र, पुतलीबजार नगरपालिकाको २ अर्ब ३९ करोड ४७ लाख ८२ हजारको परीक्षणमा १ करोड ४५ लाख ३३ हजार बेरुजु छ ।
यस्तै, गाउँपालिकातर्फ क्रमश ः हरिनास गाउँपालिकाको १ अर्व ३ करोड ८५ हजार ९८ लाख रुपैयाको लेखापरीक्षण गर्दा ४ करोड ८१ लाख १२ हजार बेरुजु छ ।
आँधीखोला गाउँपालिकामा १ अर्ब २१ करोड ८१ लाख ७९ हजारको परीक्षणमा ९४ लाख ८० हजार बेरुजु छ ।
अर्जुनचौपारी गाउँपालिकामा ९९ करोड ३५ लाख २० हजारको परीक्षण गर्दा ३६ लाख ५५ लाख बेरुजु छ ।
फेदीखोला गाउँपालिकामा ९३ करोड १५ लाख ९४ हजारको परीक्षणमा ३१ लाख ६७ हजार बेरुजु छ ।
विरुवा गाउँपालिकामा १ अर्व १३ करोड ७० लाखको परीक्षण गर्दा १३ लाख ८३ हजार बेरुजु छ ।
यसेैगरी, अघिल्लो आर्थिक बर्षको भन्दा गल्याङ र भिरकोट नगरपालिकाको र विरुवा गाउँपालिकाको प्रतिशतका आधारमा बेरुजु रकम घटेको छ भने अन्य पालिकाको बढेको महालेखा परिक्षकको कार्यालयको प्रतिवेदनमा उल्लेख छ ।