स्याङ्जा १४ असार । शुक्रबार साँझ सार्वजनिक माध्यमिक शिक्षा परिक्षा (एसईई) मा स्याङ्जाका ४ जनाले ४ जिपिए ल्याउन सफल भएका छन ।
कालीगण्डकी गाउँपालिका भगवती माध्यमिक विद्यालयका प्रतीक भट्टराई, वालिङ नगरपालिका पायनियर आवासीय माविका प्राप्ति काफ्ले, वालिङकै नेपाल आदर्श माविका अप्सन सुवेदी र अर्जुनचौपारी गाउँपालिकाक चिल्ड्रेन एकेडेमीका किन्जल देवकोटा रहेका शिक्षा विकास तथा समन्वय इकाई कार्यालय स्याङ्जाका प्रमुख विश्वराज आचार्यले जानकारी दिनुभयो ।
चार जिपिए ल्याउनेमा सामुदायिक बिद्यालयका एक जना र निजी विद्यालयतर्फ ३ जनाले चार जिपिए ल्याएका हुन। भगवती मावि बाहेक अन्य सबै निजी बिद्यालय हुन ।
यो संगै स्याङ्जामा ६४ दशमलब ८५ प्रतिशत बिद्यार्थी ग्रेडेड भएका छन। साधारण र प्राबिधिकगरि स्याङ्जाबाट ४ हजार ९ सय ९३ जनाले २०८१ सालको एसईई दिएका थिए । ती मध्ये ३ हजार २ सय ३८ ग्रेडेड भएका प्रमुख आचार्यले जानकारी दिनुभयो ।
प्रमुख आचार्यका अनुसार, साधारणतर्फ ग्रेडेड विद्यार्थीमध्ये ३.६ देखि ४ जिपिए ल्याउन ३०८ जना छन । यसैगरी, ३.२ देखि ३.६ जिपिए ल्याउने ६९२, २.८ देखि ३.२ जिपिए प्राप्त गर्ने र ९१७ जना छन । २.४ देखि २.८ जिपिए ल्याउने ४७५ जना र २.० देखि २.४ जिपिए ल्याउनेमा ३४ जना छन् ।
त्यस्तै, प्राविधिकतर्फ १६ जनाले ३.६ देखि ४ जिपिए, ३४ जनाले ३.२ देखि ३.६ जिपिए, ३३ जनाले २.८ देखि ३.२ जिपिए र ७ जनाले २.४ देखि २.८ जिपिए प्राप्त गरी उत्तीर्ण भएका छन् ।
साधारण र प्राबिधिकतर्फका १ हजार २६० जनाले ग्रेडवृद्धि परीक्षा दिएकोमा साधारणतर्फ ६ सय ८४ र प्राविधिकतर्फ ३८ जना ग्रेडेड भएका छन्। ग्रेडवृद्धिमा साधारणतर्फ १ हजार २१० जना र प्राबिधिकतर्फ ५० जना विद्यार्थी थिए । गतबर्ष एक जनाले मात्र ४ जिपिए ल्याएका थिए।