स्याङ्जा ५ असार । स्याङ्जा प्रहरीले ३३ दिनमा ४२ जना फरार अभियुक्त पक्राउ गरेको छ । जेठ महिना र असार २ गतेगरि बिभिन्न मुद्धाका आरोपितहरुलाई पक्राउ गर्न सफल भएको जनाएको छ ।
प्रहरीले जेठ महिनामा २९ जना र असारमा १३ जना पक्राउ गरेको छ । ती मध्ये ३४ जना पुरुष र ८ महिला रहेको र उनीहरुलाई जरिवाना र कैद सजाए तोकिएको प्रहरी उपरीक्षक दधिराम न्यौपानेले जानकारी दिनुभएको थियो ।
स्याङ्जा प्रहरी प्रमुख समेत रहेका न्यौपानेका अनुसार, ‘उनीहरुलाई १ करोड ७९ लाख २८ हजार ४७१ रुपैंया जरिवाना र २९ बर्ष १ महिना २८ दिन केैद सजाए छ ।’
स्याङ्जा प्रहरीले जेठ महिना र असार ३ गतेसम्मको कार्य विवरण पत्रकार सम्मेलनमार्फत सार्वजनिक गर्दै नदिजन्य पदार्थ अवैध उत्खननमा संलग्न ११ वटा सवारीसाधन नियन्त्रण लिई २ लाख ६० हजार जरिवाना गरेको छ ।
पुतलीबजार नगरपालिका ५ पौवैगौडेमा झण्डै १० हजार गाँजाको बोट फडानी सहित नष्ट गरेको छ । लागुऔषध सहित १ जनालाई नियन्त्रणमा लिएको, राम्दी स्थित सिद्धार्थ राजमार्गमा सवारी चेक जाँच गर्ने क्रममा १ लाख ७ हजार भन्सार नतिरी भित्रयाइएको सामान नियन्त्रणमा लिई राजश्व अनुसन्धान कार्यालय पठाएको, अबैध रुपमा जडिबुटी संकलन गर्नेहरु पक्राउ गरिएको जनाएको छ ।
पुतलीबजार नगरपालिका ५ पौवैगौडेमा करिब १० हजार हरियो गाँजाको बोट फडानी सहित नष्ट गरेको जनाएको छ ।
प्रहरीले यो अवधीमा जिल्लामा लागु पदार्थ सेवन चेकिङ् अभियान जारी राखेको छ । छ भने लागु पदार्थ सेवन गरेर सवारी साधन चलाउने ३ जना विरुद्ध मुद्धा दर्ता गरेको छ ।
प्रहरीले यो अवधीमा ८ सी सी क्यामेरा मर्मत, समुदाय र विद्यालयमा २ सय ५५ वटा विविध कार्यक्रम सञ्चालन गरेको छ भने सोबाट १ हजार ८ सय २९ जना लाभान्वित भएको जनाएको छ ।
यसैगरी, एउटा हराएको मोबाईल फोन खोजतलास, प्रहरी कर्मचारीहरुको स्वास्थ्य चेकजाँच, रातको समयमा भिरबाट खसेका एक व्यक्तिलाई घाईते अवस्थामा उद्धार, विपद् उद्धारका लागी वालिङ्मा २ र स्याङ्जामा १ गरी ३ वटा जे सि बी २४ सै घण्टा तयारी अवस्थामा राखेको, सम्भावित विपद् र जोखिमबारे सञ्चार माध्यमहरुबाट सुचना सामग्री प्रसारण एवम् सम्प्रेषण गर्ने, जिल्लाका ६५ स्थानलाई बाढी पहिरोको जोखिम भएका स्थानका रुपमा पहिचान गरी स्थानियहरुलाई स्थानान्तरण गर्ने लगायतका कार्यहरु जिल्ला प्रहरी कार्यालय स्याङ्जाले जानकारी दिएको छ ।
सम्मेलनमा प्रहरी नायब उपरीक्षक प्रशन्नराज चौधरी सहित जिल्ला स्थित क्रियाशिल पत्रकारहरुको सहभागिता थियो ।