स्याङ्जा २० माघ । फागुन ६ गतेदेखी १८ गतेसम्म संचालन गरिने भएको स्याङ्जा महोत्सव नजिकिदै गर्दा बिबिध गतिबिधि संचालन भैरहेका छन ।
सातौ स्याङ्जा महोत्सव मार्फत प्रतिभा पहिचान र लोकसंस्कृति संरक्षणका लागि परम्परागत रत्यौली प्रतियोगिता, लोकभजन प्रतियोगिता, बिद्यालय स्तरीय सामुहिक नृत्य प्रतियोगिता, पञ्चेवाजा प्रतियोगिता र आमा एकल नृत्य प्रतियोगिता गरिने भएको हो ।
रत्यौली प्रतियोगिताका प्रथम, द्धितिय र तृतीय हुनेले २० हजार, १५ हजार र १० हजार नगद पुरस्कार दिईने भएको छ । लोकभजन चुडका प्रतियोगितामा प्रथम, द्धितिय र तृतीय हुनेले क्रमश १५ हजार, १० हजार र ५ हजार तोकिएको छ । बिद्यालय स्तरीय सामुहिक नृत्यु प्रतियोगितामा पनि प्रथम, द्धितिय र तृतीय हुनेले क्रमश १५ हजार, १० हजार र ५ हजार रहेको छ ।
पञ्चेवाजा प्रतियोगितामा प्रथम हुनेले ३० हजार र द्धितिय हुनेले २० हजार पाउनेछन भने सहभागि हुने सबै समूहलाई ५÷५ हजार रुपैंया पनि उपलब्ध गराईने भएको छ । आमा एकल नृत्य प्रतियोगिताको प्रथम हुनेले १० हजार द्धितिय हुनेले ७ हजार र तृतीय हुनेले ४ हजार नगद पुरस्कार राखिएको प्रतियोगितात्मक कार्यक्रम ब्यवस्थापन उपसमिति संयोजक एवं महासचिव रविन्द्र केसीले जानकारी दिनुभयो ।
पाँच बर्षपछि आयोजना गर्न लागिएको महोत्सवलाई सफल बनाउन जिल्ला स्थित सबैको साथ र सहयोग आवश्यक रहने अध्यक्ष महादेव श्रेष्ठको भनाई छ । महोत्सवको तयारीका लागि बिभिन्न ३९ वटा उपसमिति सहित एक हजार १११ सदस्यीय मुल समारोह समिति गठनगरि जिम्मेवारी बाडफाँड गरिएको उहाले जानकारी दिनुभयो बताउनुभयो ।
प्रदेश स्तरीय सातौं कृषि, पर्यटन, औद्योगिक व्यापार मेलाले स्थानीय उत्पादनको प्रचारप्रसार सहित व्यापार वृद्धि तथा कृषि र पर्यटनलाई प्रवद्र्धन गर्दै आर्थिक समृद्धिका सहयोग पुग्ने उहाले भन्नुभयो ।
महोत्सवमा औद्योगिक, हस्तकला, कृषि लगायतका प्रदर्शनी हुनेछन् । खाना महोत्सवसँगै मनोरन्जनात्मक हास्यव्यंग्य कार्यक्रम, रमाइलो मेला, मनोरन्जनात्मक खेलहरु, धार्मिक, पर्यटकिय एवं ऐतिहासिक क्षेत्रको फोटो तथा वृत्तचित्र प्रदर्शनी, खेलकुद तथा सांस्कृतिक कार्यक्रम समेत हुने संघले जनाएको छ ।
महोत्सव प्रवेशमा ज्येष्ठ नागरिकलाइ निशुल्क र विद्यार्थीहरुका लागी ५० प्रतिशत छुट दिईने भएको छ । महोत्सवमा कृषि, पर्यटन, ब्यवायिक, उद्यम तथा बिबिधगरि २२० स्टल राखिने भएको छ ।