स्याङ्जा २४ असार । संघ तथा प्रदेश सरकारबाट चालु आर्थिक बर्षका लागि बिनियोजित बजेट स्याङ्जामा खर्च हुन सकेको छैन ।
जेठ १५ गते नै संघीय बजेट सार्वजनिक भए पनि राजनीतिक नेतृत्वको योजना छनौट प्रक्रियामा अस्वस्थ प्रतिस्पर्धाका कारण खर्च गर्न नसकिने योजनामा बजेट बिनियोजन गरियो ।
आर्थिक बर्षको प्रारम्भ मै खरिद प्रक्रिया सुरु गर्ने र दशैंतिहार लगत्तै ठेक्का खोल्न सुरु गर्न सके मात्र बिनियोजित बजेटको लक्ष्य पूरा गर्न सकिने सरोकारवालाको भनाई छ । कोष तथा लेखा नियन्त्रण कार्यालय स्याङ्जाका अनुसार मंगलबार साँझ ५ बजेर २२ सम्म संघको चालु खर्च ९६ दशमलब २६ प्रतिशत र पूँजीगततर्फ ६७ दशमलब २४ प्रतिशत खर्च भएको छ ।
यसैगरी, प्रदेशतर्फ ७९ दशमलब २९ प्रतिशत र चालूतर्फ ७२ दशकलब ९० प्रतिशत र पूजीगतगरि ७४ दशमलब ६१ प्रतिशत खर्च भएको छ । संघीय सरकारले स्याङ्जाका लागि पूजीगततर्फ ८१ करोड, ६७ लाख, ७९ हजार ५९२ रुपैंया बिनियोजना गरेको थियो ।
चालुतर्फ ८ अर्ब ५ करोड ७३ लाख २१ हजार २९२ भएकोमा ७ अर्ब ७५ करोड, ५५ लाख ९० हजार ६५२ रुपैंया खर्च भएको थियो ।
संघीय सरकारद्धारा पूजीगत खर्च वापत बिनियोजन गरिएको ११ करोड, ४ लाख ७४ हजार मध्ये ७ करोड ४२ लाख ८१ हजार ८८० रुपैंया खर्च भएको छ ।
प्रदेशको चालू तर्फको बिनियोजन ८१ करोड ८९ लाख १३ हजार ६७७ रुपैंया रहेको छ । संघतर्फ ६९ करोड १२ लाख ९ हजार ९१७ र प्रदेशतर्फ १८ करोड ८१ लाख ३३ हजार २१९ रुपैंया राजश्व संकलन भएको कोष तथा लेखा नियन्त्रण कार्यालय स्याङ्जाका प्रमुख कोष नियन्त्रक थमनारायण शर्माले जानकारी दिनुभयो ।
प्रदेशतर्फको पूँजीगत बिनियोजन २ अर्ब २५ करोड ४० लाख ५० हजार मध्ये १ अर्ब ६४ करोड ३२ लाख ६९ हजार ०१७ रुपैंया खर्च भएको छ । चालुतर्फ भने ६४ करोड ९३ लाख ३५ हजार ०९८ रुपैंया रहेको छ। प्रदेश स्तरको ७२ प्रतिशत बजेट मात्र खर्च भएको हो ।