स्याङ्जा ३० बैशाख । प्रदेश जनस्वास्थ्य कार्यालय स्याङ्जाले फेदिखोला गाउपालिकामा स्वास्थ्य स्वयंसेविकाहरुका लागि १० दिने तालिम मंगलबारदेखी सुरु गरेको छ ।
पुतलीबजार नगरपालिका सहित फेदिखोला र आँधीखोला गाउपालिकाकाको समन्वयमा राष्ट्रिय महिला सामुदायिक स्वास्थ्य स्वयंसेविकाहरुका लागि १० दिने आधारमूत तालिम सुरु गरेको हो ।
महिला स्वास्थ्य स्वयंसेविकालाई झोला हस्तान्तरण गरेर स्वास्थ्य सेवा सम्बन्धी आधारभूत तालिमको उदघाटन गर्दै फेदिखोला गाउँपालिकाका अध्यक्ष घनश्याम सुवेदीले स्वास्थ्य समुदायमा देखिएको स्वास्थ्य समस्यालाई पहिचान गर्दै सो का बारेमा सम्बन्धित निकायमा समयमै जानकारी गराउन स्वयंसेविकाहरु सुझाव दिनुभयो ।
स्वयंसेविका समाजका सम्वाहक भएकाले समृद्ध पालिका निर्माणमा उहाहरुको भूमिका महत्वपूर्ण हुनेमा उहाले जोड दिनुभयो । स्वास्थ्य स्वयंसेविकाका लागि स्वास्थ्य विमा लगायतका बिबिध सुबिधाहरु उपलब्ध गराएको बताउदै सामाजिक सुरक्षामा सहभागि गराउनेगरि अभियानमा आफु जुटेको बताउनुभयो ।
कार्यक्रममा उपाध्यक्ष देउकुमारी गुरुङु, स्वास्थ्य अधिकृत मित्रप्रसाद अर्याल लगायतले शुभकामना मन्तब्य ब्यक्त गर्नुभएको थियो ।
प्रदेश जनस्वास्थ्य कार्यालय पुतलीबजारका प्रमुख केशवप्रसाद चापागाईको अध्यक्षतामा सम्पन्न कार्यक्रमको संचालन सिनियर अहेव बिष्णुप्रसाद खडकाले गर्नुभएको थियो ।
तीन पालिकाका २० जना सहभागि रहेको तालिममा स्वास्थ्यकर्मी शान्ता अर्याल र सरिता पराजुलीले प्रशिक्षण दिनुहुने भएको छ ।
