स्याङ्जा १९ साउन । सुनका गहना र नगद चोरी भयो भन्दै झुटो निवेदन दिने चन्द्रा र धनराज गुरुङ् प्रहरी नियन्त्रणमा छन ।
आँधीखोला गाउँपालिका — १ हिले निबासी ४१ बर्षिया चन्द्राकुमारी गुरुङ र ३८ बर्षिय धनराज गुरुङ्लाई पक्राउगरी थपआवश्यक कारवाही अघि बढाएको प्रहरी नायब उपरीक्षक प्रशन्नराज चौधरीले जानकारी दिनुभयो ।
गएको सोमबार अर्थात साउन १२ गते बेलुका घरबाट साढे ७ तोला सुनका गरगहना र ४ हजार चोरी भएको भन्दै चन्द्राले प्रहरी कार्यालयमा निवेदन दिएको प्रहरीले जनाएको छ ।
निवेदनका आधारमा प्रहरीले अनुसन्धान गर्दा चन्द्रा र धनराजको मिलेमतोमा सुन र पैसा लुकाई राखेको भेटिएपछि उनीहरु दुबैलाई शनिवार साँझ पक्राउगरी थपअनुसन्धानकार्य जारी राखेको प्रहरी उपरीक्षक दधिराम न्यौपानेले जानकारी दिनुभयो ।