स्याङ्जा २१ असार । सुन चोरीको आरोपमा वालिङ नगरपालिकाबाट २ जना युवा पक्राउ परेका छन् ।
पक्राउ पर्नेमा वालिङ नगरपालिका ९ बस्ने ३२ वर्षीय दुर्गा बिक र चापाकोट नगरपालिका घरभई हाल वालिङ नगरपालिका बस्ने ३४ वर्षीया दिपा क्षेत्री रहेका छन् ।
उनीहरुको साथबाट प्रहरीले सुनले जडान गरिएको पञ्चरत्ने बाला २ थान बरामद गरेको प्रहरी निरीक्षक प्रवेश तिवारीले जानकारी दिनुभयो ।
वालिङ नगरपालिका ६ स्थित थानकुमारी पाण्डेको घरबाट असार १७ गते चोरी गरेको प्रहरीको भनाई छ । पाण्डेको घरबाट अन्दाजी आधा तोला बराबरको सुनले जडान गरिएको पञ्चरत्ने बाला २ थान चोरी भएको सूचनाको आधारमा दुई जनालाई बिहीबार पक्राउ गरेको हो ।
उनीहरुलाई शुक्रबार सम्मानित स्याङ्जा जिल्ला अदालतबाट १० दिनको म्याद थप अनुमति लिई अनुसन्धान भइरहेको प्रहरीले बताएको छ ।