स्याङ्जा १८ भदौ । यही भदौ २० गते शुक्रवार पुतलीबजार नगरपालिकाले नगरपालिका मातहतका सबै सरकारी कार्यालय, बिद्यालय र बित्तिय संस्थाहरुलाई सार्वजनिक विदा दिएको छ ।
इस्लाम धर्मका संस्थापक एवं प्रवर्धक पैगम्बर मुस्तफा सल्सल्लाहु तआला अलैहे वसल्लमको जन्म जयन्तीको अवसर पारेर सो दिन सार्वजनिक बिदा दिने निर्णय गरिएको नगरप्रमुख तुलसीराम रेग्मीले जानकारी दिनुभयो ।
बसल्लम १५०० औं जन्मोत्सवलाई भब्यताका साथ मनाउन पुतलीबजारले दिएको बिदाप्रति इस्लामधर्मालम्बीहरुमा खुशी छाएको पुतलीबजार नगरपालिका ३ का शा खालिद मियाको भनाई छ। हाम्रो धर्म संस्कृति र परम्पराप्रति नगरले देखाएको सम्मानलाई हाम्रो समुदायले उच्च कदर गरेका छौं उहाले भन्नुभयो ।
मुस्लिम समुदायले ¥याली निकाल्ने, मस्जिदहरुमा कुरान पाठ गर्ने, उनका उपदेश स्मरण गर्ने, सामूहिक भोज खाने र एकअर्कामा शुभकामना साटासाट गर्ने चलन छ । मोहम्मदको जन्म इस्वी सम्वत् ५७१ अप्रिल २० अर्थात् इस्लामी पात्रो हिजरी सम्वतको १२ रब्बी औव्वलमा साउदी अरबको मक्कामा भएको थियो ।
बुवा अब्दुल्लाह र आमा आमिनाको कोखबाट उनको जन्म भएको थियो । उहाँ जन्मिँदा रगतले नलतपतिएको, नुहाइदिइसकेपछिको जस्तो सफा, सुगन्धयुक्त र जन्मजात खतना गरिएको अवस्थामा थिए भनिन्छ । उहाँको निधन ६३ वर्षको उमेरमा साउदी अरबको मदिनामा भएको थियो ।
त्यसैले पनि साउदी अरबको मक्का र मदिनालाई पवित्र तिर्थस्थल मानिन्छ ।