स्याङ्जा ३१ असोज । दशैं पूर्णिमाको अवसरमा पेल्काचौरमा सम्पन्न अन्तर वडा स्तरीय पुरुष भलिबल प्रतियोगिताको उपाधि तनहुँको शुक्लागण्डकी नगरपालिका –१२ ले जितेको छ ।
स्याङ्जाको पुतलीबजार नगरपालिका –१२ स्थित मनकामना युवा क्लब पेल्काचौरको आयोजनामा भएको रोमाञ्चक फाइनल खेलमा शुक्लागण्डकी –१२ ले गल्याङ नगरपालिका –७ लाई ३–२ को सेटमा हराउँदै उपाधि जितेकोे हो ।
खेल २३÷२५, २५÷२१, २०÷२५, २५÷१६ र १५÷१३ को सेटमा टुंगिएको थियो । विजेता शुक्लागण्डकीले एक लाख नगद सहित कप, मेडल र प्रमाणपत्र पाएको छ भने उपविजेता गल्याङले ६० हजार रुपैयाँ पाएको छ ।
तेस्रो बनेको वालिङ नगरपालिका –३ माझकोट रहँदै ४० हजार नगदसहित ट्रफी, मेडल र प्रमाणपत्र पुरस्कार प्राप्त गरेको छ ।
प्रतियोगिताका उत्कृष्ट खेलाडी शुक्लागण्डकीका बिशाल ठकुरीले भए । स्पाइकरमा विवस ठकुरी, सेटरमा अशिक ठकुरी, ब्लकरमा सुगम सुनार, सर्भर उमेश सेन्चुरी र डिफेन्डरमा अर्जुन गुरुङ चएका भएका छन ।
‘हाम्रो गौरव, हाम्रो पौरख, हाम्रो पेल्काचौर’ नारासहित असोज २२ गतेदेखि सुरू भएको प्रतियोगितामा स्याङ्जा र तनहुँका १२ समूहबीच प्रतिस्पर्धा भएको राष्ट्रिय रेफ्री अनिल रानाले जानकारी दिनुभयो ।