स्याङजा ५ चैत । सिद्धार्थ सामुदायिक बहुमुखी क्याम्पसको स्वतन्त्र विद्यार्थी युनियनको सभापतिमा अनेरास्ववियुका प्रतीक्षा गोदार निर्वाचित हुनुभएको छ ।
फेदिखोला गाउँपालिकामा रहेको क्याम्प्समा आज (मंगलबार) भएको मतदानमा प्रतक्ष्यतर्फ गोदार सहित अनेरास्ववियुको सबै प्यानल नै निर्वाचित भएको हो । स्ववियु सभापतिमा नेविसंघका उम्मेदवार शैलेश थापालाई ४ मतको अन्तरले पराजित गर्दै अनेरास्ववियुका गोदार निर्वाचित हुनुभएको हो ।
गोदारले ३८ मत ल्याउँदा थापाले ३४ मत ल्याउनुभएको हो। सचिवमा श्रीसा शर्माले ३७ र कोषाध्यक्षमा सुस्मिता विकले ३७ मत र सदस्यमा संजय खत्री ४३ र स्मृति कुवर ४१ मत ल्याएर निर्वाचित भएका छन् ।
समानुपातिक तर्फ अनुरास्वियुका मिरा गोदार र प्रविता रानाभाट र नेविसंघबाट सविना भण्डारी र समिक्षा पौडेल निर्वाचित भएको निर्वाचन समितिले जनाएको छ ।