स्याङ्जा ७ साउन । पुतलीबजार नगरपालिका ५ स्थित शीतला माध्यमिक बिद्यालयमा शिक्षा परीक्षा ( एसइइ) ग्रेडेड छात्रछात्रालाई बिद्यालय ब्यवस्थापन समिति र बिद्यालयले सम्मान गरेको छ ।
बिद्यालयमा आयोजित कार्यक्रममा गण्डकी प्रदेशका पूर्वमन्त्री पंचराम गुरुङले शीतला माबिले २०८१ को एसइइमा राम्रो नतिजा प्राप्त गर्न सफल भएकोमा प्रशन्नता ब्यक्त गर्नै उत्र्तीण बिद्यार्थीको उज्जवल भविष्यका कामना गर्नुभयो ।
कार्यक्रममा पुतलीबजार नगरपालिका ५ का अध्यक्ष अर्जुनकुमार कार्की, पूर्वप्रधानाध्यापक ओमप्रकाश शर्मा, प्रधानाध्यापक बलराम दोरंगाा, शिक्षक दिपक रेग्मी लगायतले बिद्यालयले पछिल्ला दिनमा शैक्षिक गुणस्तर कायम गर्न सफल भएको र आगामी दिनमा पनि अझ सुधार गरेर अघि बढाउनु पर्नेमा जोड दिनुभयो ।
बिद्यालय ब्यवस्थापन समितिका अध्यक्ष शैलेन्द्रजंग कार्कीकले आफू र आफनो परिवारले बिद्यालयको हित र प्रवद्र्धनमा लामो समयदेखि महत्वपूर्ण काम गर्दै आएको र आगामी दिनमा पनि सक्दो सहयोग गर्नु पर्ने बताउनुभयो । अध्यक्ष कार्कीले ब्यवस्थापन समितिका तर्फबाट बिद्यालयमा संचालन गरिने सांस्कृतिक कार्यक्रमका लागि १ लाख रुपैंयाको अक्षयकोष स्थापना गरिने घोषणा गर्नुयभो ।
प्रत्येक बर्ष हुने विद्यालयको बार्षिकोत्सवका अवसरमा उक्त अक्षयकोषबाट प्राप्त हुने ब्याजबाट पुरस्कार प्रदान गरिने पनि उहाले जानकारी गराउनुभयो ।