स्याङजा २० भदौ । गण्डकी प्रदेश सरकार अन्तर्गतको सामाजिक विकास कार्यालय स्याङ्जाले जिल्लाका ११ वटै स्थानीय तहका शिक्षा शाखाका कर्मचारीहरुसँग अन्तरक्रिया गरेको छ ।
कार्यालयले शिक्षा तर्फ आर्थिक वर्ष २०८२÷०८३ मा सम्पादन गर्ने योजना तथा कार्यक्रमहरुको प्रभावकारिता अभिवृद्धि तथा स्थानीय तहसँगको समन्वय र सहकार्य मार्फत् कार्यक्रम सहज कार्यान्वयनमा सघाउ पुग्ने कार्यालय प्रमुख जीवन पौडेलले बताउनुभयो ।
विभिन्न विद्यालयका पूर्वाधारहरुको निर्माण र स्तरउन्नति , विपत्को कारण विद्यालयमा पुगेको क्षतिको पुर्ननिर्माण लगायत विभिन्न कार्यक्रमहरु बालबालिकाहरुको पञ्चेबाजा प्रतियोगिता, शिक्षक विद्यार्थी प्रतिभा पहिचान बालविकास सिकाइ सामाग्री र विज्ञान प्रयोगशाला, अभिभावक शिक्षा, विज्ञान सामाग्री, शैक्षिक सामाग्री, प्रदर्शनी प्रतियोगिता लगायतका शिक्षा तर्फका कार्यक्रमहरु सामाजिक विकास कार्यालय स्याङ्जाले कार्यान्वयन गर्दछ ।