स्याङ्जा २ असोज । ‘ज्ञान, विज्ञान, सीप, उद्यम र मौलिकता साझेदारी र प्रणालीगत सक्षमता’ भन्ने मूल नाराका साथ राष्ट्रिय शिक्षा दिवस मनाइएको छ ।
शिक्षा विकास तथा समन्वय इकाई कार्यालयको आयोजनामा आयोजित दिवसको उदघाटन गर्दै जिल्ला समन्वय समिति स्याङ्जाका प्रमुख श्रीप्रसाद घर्तिले शिक्षा आर्जनबाट कोही पनि बंचित हुन नहुने बताउनुभयो । शिक्षा बिना सबै अपूर्ण रहने जनाउदै संस्कारयुक्त शिक्षा आजको आवश्यकता रहेको औल्याउनुभयो ।
शिक्षामा राज्यको लगानी बमोजिम अभिभावक, शिक्षक, बालबालिका लगायत सरोकारवालाले इमान्दारितापूर्वक आ आफना जिम्मेवारी र कर्तब्य पुरा गर्नु पर्नेमा जोड दिनुभयो ।
कार्यक्रममा प्रमुख जिल्ला अधिकारी सुनिता नेपाल, नेपाल शिक्षक संघ केन्द्रिय उपाध्यक्ष लक्ष्मीप्रसाद रेग्मी, आधीखोला गाउपालिका शिक्षा शाखा प्रमुख लक्ष्मी सापकोटा, नेपाल शिक्षक महासंघका कार्यवाहक अध्यक्ष बन्दना लम्साल, नेपाल शिक्षक संघ अध्यक्ष पशुपति पौडेल, नेपाल राष्ट्रिय शिक्षक संगठन हिमलाल ढकाल, प्याब्सनका अध्यक्ष मेघराज गैह्रे, एकिकृत अखिल नेपाल शिक्षक संगठनका अध्यक्ष अमृत खनाल, माध्यमिक बिद्यालय शिक्षक यूनियनका अध्यक्ष गोबिन्द बास्तोला, पूर्णामृत भवानी माविका प्रधानाध्यापक दिपक लम्साल, आदर्श माविमा शिक्षक पिताम्बर पौडेल लगायतले शिक्षाको आवश्यकता र पठन संस्कृतिका बारेमा जोड दिदै सरकारी र संस्थागत बिद्यालयको दुरी कम गराउदै गुणस्तरीय शिक्षामा जोड दिनुपर्ने बताउनुभयो ।
शिक्षा विकास तथा समन्वय इकाई प्रमुख विश्वराज आचार्यले स्याङ्जाको शेैक्षिक उपलब्धिका बारेमा जानकारी गराउनु भएको थियो भने कार्यक्रमको सहजीकरण शिक्षा शाखा अधिकृत सुरेश सुवेदीले गर्नुभएको थियो ।
कार्यक्रममा यसबर्ष एसइइमा उत्कृष्ट ४ जीपीए ल्याएका पुतलीबजार नगरपालिका स्थित त्रिभुवन आदर्श माविका सुशान्त मरासीनीलाई लगायत झण्डै २ दर्जन भन्दा बढी ब्यक्ति तथा बिद्यालयलाई सम्मान गरिएको छ ।
शिक्षा विकास तथा समन्वय विकास इकाई स्याङ्जाका प्राबिधिक सहायक सुमित ग्रैह्रेलाई यसबर्षको उत्कृष्ठ कर्मचारीका रुपमा सम्मान गरिएको छ ।
एसइईमा जिल्ला स्तरमा उत्कृष्ट नतिजा ल्याउने सामुदायिक बिद्यालयमा पूर्णामृत भवानी मावि वालिङ, प्रघुम्न पनेरु मावि आधीखोला, जनकल्याण मावि र जनज्योती मावि चापाकोट, जन मावि अर्जुनचौेपारीमा अध्यापनरत अंग्रेजी, नेपाली, गणित, बिज्ञान र सामाजिक शिक्षकलाई सम्मान गरिएको छ ।
यसैगरी, संस्थागततर्फ पिसजोन एकेडेमी वालिङका अंग्रेजी शिक्षक र नेपाल आदर्श मावि वालिङका नेपाली, गणित, बिज्ञान र सामाजिक शिक्षकलाई पनि सम्मान गरिएको हो ।
पेशागत समर्पण र लगनशीलताका आधारमा माध्यमिक तहतर्फ गंगालाल माविका शिक्षक खेमराज भट्टराई, निम्न माध्यमिक तर्फ राष्ट्रिय माविका लोकराज कोइराला, प्राथमिक तहतर्फका सिर्सेकोट देउरालीका शिक्षक गौमती गुरुङ र पुण्यशिला आविका शिक्षक बन्दना लम्साललाइृ सम्मान गरिएको छ ।
एसइइमा उत्कृष्ट नतिजा ल्याउने सामुदायिक बिद्यालयतर्फ सिद्धार्थ मावि फेदिखोला, जनता मावि कालीगण्डकी, जनज्योती मावि चापाकोटलाई सम्मान गरिएको छ ।
संस्थागततर्फ नेपाल आदर्श मावि वालिङm पिसजोन एजुकेशनल एकेडेकी र सगरमाथा आमाविलाई सम्मान गरिएको छ ।
