स्याङ्जा, २९ साउन । राष्ट्रिय परीक्षा बोर्डद्धारा लिइएको २०८१ सालको प्रवेशिका (एसइइ) पूरक परीक्षा मुलुकभर बिहीवार (आज) देखि सुरु भएको छ । स्याङ्जाका ४ परीक्षा केन्द्रबाट एक हजार २ सय ४ परिक्षार्थी सहभागी हुने भएका छन ।
परीक्षा मर्यादित ढंगले संचालन गर्न आवश्यक तयारी पुरा गरिएको शिक्षा विकास समन्वय इकाई प्रमुख विश्वराज आचार्यले जानकारी दिनुभयो ।
साउन २९ देखि भदौ ६ गतेसम्म संचालन गरिने परीक्षा त्रिभुवन आर्दश माविमा ३ सय ३४ , काजिमान हरिटीका मावि मा २ सय ५८, पूर्णामृत भवानी माविमा २ सय ८७ र भूपूसैनिक माविमा २ सय ९८ जना परीक्षार्थी सहभागी हुने भएका छन् ।
जिल्ला स्थित १ सय ३२ सामुदायिक र ३५ संस्थागतगरी १ सय ६७ बिद्यालयका बिद्यार्थीले अंग्रेजी, गणित, बिज्ञान, सामाजिक, अर्थशास्त्र, ऐच्छिक गणित, लेखा, शिक्षा, कम्प्यूटर र कर्मकाण्ड बिषयको परीक्षा दिने भएका छनु । पूरक परीक्षामा प्राबिधिक धारका परीक्षार्थी पनि सहभागी हुने भएका छन् ।
गत बैशाखमा भएको परीक्षामा नियमिततर्फ ३ हजार ७१९ र ग्रेडबृद्धितर्फ १ हजार २६० गरी जम्मा ४ हजार ९७९ परीक्षार्थी सहभागी थिए ।
