स्याङ्जा २४ असार । माध्यमिक शिक्षा परीक्षा (एसईई) मा सहभागी भै यसबर्ष ग्रेडेड हुने विद्यार्थीलाई भीरकोट नगरपालिकाले बधाई सहित सम्मान गरेको छ ।
बिद्यार्थीहरुलाई अध्ययनतर्फ प्रोत्साहन गर्ने उदेश्यले बधाई सहितको सम्मानको कार्यक्रम आयोजना गरेको हो । भीरकोटको सिटिहलमा आयोजित कार्यक्रममा बिद्यार्थीलाई सम्मान गर्दै विद्यार्थीहरू राष्ट्रको कर्मवीर भएको बताउदै अझ आत्मविश्वासी र लक्ष्यप्रति प्रतिबद्ध भएर लाग्न सुझाव दिनुभयो ।
उहाँले विद्यार्थीहरूलाई आत्मविश्वास र मनोबल उच्च राखेर जीन्दगीको लक्ष्य र भविष्यप्रति प्रतिबद्ध हुन आग्रह गर्नुभयो ।
कार्यक्रममा करिब जना एसइइ उत्तीर्ण विद्यार्थीहरूलाई प्रमाणपत्र, खादा तथा डायरी, पेन सहित सम्मान गरिएको थियो ।
कार्यक्रममा प्रमुख प्रशासकीय अधिकृत उदय बहादुर पराजुली, वडा अध्यक्षहरू दिपेन्द्र के.सी., नन्दलाल खनाल लगायतले शुभकामना मन्तब्य ब्यक्त गर्नुभएको थियो ।
२०८१ सालको एसइइ परीक्षामा भीरकोटका १७ माध्यमिक विद्यालयबाट ३ सय ४३ जना विद्यार्थीहरू सहभागी भएका थिए । जसमध्ये २ सय ६० जना अर्थात् ७५ दशमलब ८० प्रतिशत विद्यार्थी ग्रेडेड भएका छन ।
शिक्षा शाखा प्रमुख विष्णुप्रसाद कोइरालाको अध्यक्षतामा सम्पन्न कार्यक्रमको संचालन बालमैत्री सहजकर्ता बिष्णु माया काफ्लेले गर्नुभएको थियो।