स्याङ्जा, २९ असोज । जिल्ला प्रशासन कार्यालय स्याङ्जाको आयोजनामा मंगलबार यहाँ आयोजित एक अन्तरक्रिया कार्यक्रममा नागरिकले सरकारी निकायबाट प्राप्त गर्ने सेवा सन्तोषजनक भएको बताउनुभएको छ ।
जिल्ला समन्वय समितिका उपप्रमुख खडगराज सुवेदीले प्रदेश र स्थानीय तहसंगको समन्वयमा जिल्लाबाट प्रदान गरिने सेवामा कमी हुन नदिन स्थानीय प्रशासन सजग भएको बताउनुभयो । सेवाग्राहीलाई समयमै सेवा प्रदान गर्न आवश्यक सहयोग जनस्तरबाट उपलब्ध गराईने उहाले बताउनुभयो ।
प्रमुख जिल्ला अधिकारी इश्वरीप्रसाद अर्यालले जनताको सेवामा अहोरात्र खट्ने राष्ट्रसेवब कर्मचारीले इमान्दारिताका साथ आफनो जिम्मेवारी पूरा गरेको बताउनुभयो । प्रजिअ अर्यालले जिल्लाको शान्ति सुरक्षा र अमनचैनको स्थितिलाई नियन्त्रणमा राख्न जिल्लाबासीको सहयोग अपेक्षित भएको पनि बताउनुभयो ।
प्रहरी उपरीक्षक दधिराम सुवेदीले लागू औषधको सेवन, ओसार पसार र बिक्री बितरणका बारेमा अवधारणा प्रस्तुत गर्दे लागू पदार्थको दुब्र्यसनमा फसेको ब्यक्तिको स्नायु प्रणाली र मेरुदण्डमा गम्भीर असर पर्ने बताउनुभयो । लागू औषध नियन्त्रणका लागि प्रभावकारी उपाय अबलम्बन गरिएको र बिशेषगरी युवा पुस्तालाई यसबाट युक्त राख्न तदनूरुपको कार्ययोजना बनाइएको छ ।
सहायक प्रमुख जिल्ला अधिकारी दीपक पौडेलले सेवाप्रवाहमा प्रशासनको भूमिका बिषयमा आफनो अवधारणापत्र प्रस्तुत गर्दै नागरिकले विश्वास र अनुभूति गर्नेगरी बिहान ८ बजेदेखि जनताको सेवामा समर्पित भएको स्पष्ट पार्नुभयो ।
कार्यक्रममा स्याङ्जा जिल्ला उद्योग वाणिज्य संघका अध्यक्ष महादेश श्रेष्ठ, शिक्षा विकास तथा समन्वय ईकाईा शाखा अधिकृत सुरेश सुवेदी, नागरिक समाजका अध्यक्ष ओमप्रकाश शर्माले लागू औषध नियन्त्रण र सेवाप्रवाहका बारेमा राखेका जिज्ञासामा प्रजिअ अर्यालले स्पष्ट पारेका थिए । कार्यक्रमको सहजीकरण प्रशासन कार्यालयका नायब सुब्बा रामप्रसाद पौडेलले गर्नुभएको थियो ।