स्याङ्जा १२ भदौ । सर्वोच्च अदालतको प्रवक्तामा स्याङ्जाका अर्जुनप्रसाद कोइराला नियुक्त हुनु भएको छ । न्यायसेवा तर्फको राजपत्रांकित प्रथम श्रेणीका कोइराला स्याङ्जाको सदरमुकामस्थित पुतलीबजार नगरपालिका १० राङखोला निवासी नारायणप्रसाद कोइरालाका कान्छा छोरा हुनुहुन्छ ।
राष्ट्रिय मानवअधिकार आयोगका अधिकृत स्तरको कर्मचारीको रुपमा नियुक्त कोइराला २०७१ सालमा उपसचिव पदमा लिखित परीक्षा उत्र्तीणगरी न्यायसेवा प्रवेश गर्नुभएको थियो । विसं २०७७ सालमा सहसचिवमा पदोन्नति भएका कोइराला बिहीवार सर्वोच्च अदालतको प्रवक्तामा नियुक्त हुनु भएको छ ।
राङखोलाको चक्रकमलाबाट प्रारम्भिक शिक्षा प्राप्त गरेका उहाले सदरमुकामस्थित त्रिभुवन आदर्श माविबाट २०५० सालमा प्रवेशिका परीक्षा उत्र्तीण गर्नुभएको हो ।
स्याङ्जाको पुतलीबजार निवासी एकनारायण अर्याल निजामति सेवाको मुख्य सचिव, बिमल पौडेल सर्वोच्च अदालतको मु्ख्य रजिष्टार र अर्जुनप्रसाद कोइराला सर्वोच्च अदालतको प्रवक्तामा नियुक्त हुने तीनै जना एकै ठाउँका बासिन्दा हुनुहुन्छ ।
नेपाली कांग्रेस पुतलीबजारका नगरसभापति सूरजकुमार अधिकारीका बालसखा अर्जुन स्कुले जीवनदेखि तीक्ष्ण बुद्धिका मेहनती, लगनशील र सरल स्वभाव भएको उहाले भन्नुभयो ।