स्याङ्जा ९ बैशाख । सामुदायिक प्रहरी सेवा केन्द्र स्याङ्जाले प्रमुख जिल्ला अधिकारी ईश्वरी प्रसाद अर्याललाई स्वागत गरेको छ ।
पुतलीबजार नगरपालिका १ स्थित प्रगतीनगरमा रहेको सेवा केन्द्रले प्रमुख जिल्ला अधिकारी अर्याललाई स्वागत एवम् भित्तेपात्रो समेत विमोचनको कार्यक्रम गरेको हो ।
कार्यक्रममा बोल्दै प्रमुख जिल्ला अधिकारी अर्यालले समुदाय प्रहरी मिलेर समुदायमा शान्ति सुरक्षा कायम गर्नमा समुदाय र प्रहरी दुवैको भुमिका सराहनिय रहेको बताउनुभयो । उहाँले यस कार्यलाई निरन्तरता र सहकार्य गर्दै सुशासन कायम गर्न, अपराध न्युनिकरण र शान्ति सुरक्षा कायम गर्न समुदायमा सचेतना वृद्धि गर्ने कुरामा महत्वपुर्ण भुमिका खेल्न आवश्यक रहेको बताउनुभयो ।
कार्यक्रममा नागरिक समाज स्याङ्जाका अध्यक्ष ओम प्रकाश शर्मा, सल्लाहकार चन्द्रमणि पौडेल र पत्रकार महासंघका सहसचिव रमेश गोदारले आआफ्ना धारणा राख्नुभएको थियो ।
सामुदायिक प्रहरी सेवा केन्द्र स्याङ्जाका अध्यक्ष विश्वनाथ पौडेलको अध्यक्षतामा सम्पन्न कार्यक्रममा कोषाध्यक्ष लोक नारायण ढकालले स्वागत एवम् सचिव अच्युत प्रसाद पोखरेलले गर्नुभएको थियो ।