स्याङ्जा ३१ भदौ । यसबर्षको संबिधान दिवस मनाउने सम्बन्धमा जिल्ला स्थित लोकतन्त्रवादी राजनैतिक दलहरु संयुक्त बैठकबसी निर्णय गरेका छन् ।
पुतलीबजार नगरपालिका १ स्थित नेकपा एमालेका मुख्यालयमा बसेको जिल्ला स्थित ४ राजनैतिक दलहरुले संयुक्त बैठले सो निर्णय गरेका हुन । बैठकले संबिधान रक्षाकोलागि संबिधान दिवसकै दिन स्याङ्जा सदरमुकाम स्थित स्याङजा जिल्ला उद्योगण वाणिज्य संघको भवन अगाडी बिहान ११ बजे सबैजना सहभागी भै नगरपरिक्रमागरी सहिदचोकमा कोणसभा गर्ने निर्णय भएको छ ।
पुतलीबजार नगरपालिका १ सहिदचोकमा गरिने कोणसभामा जिल्ला स्थित राजनैतिक दलका शीर्ष नेताहरुद्धारा संबोधन गर्ने कार्यक्रम रहेको जनाउदै सो कार्यक्रममा उपस्थिती हुनका लागि सम्पूर्ण लोकतन्त्र तथा गणतन्त्रवादी जनसमुदायलाई अनुरोध गरिएको नेपाली कांग्रेस नगरसभापति सुरजकुमार अधिकारीले जानकारी दिनुभयो ।
नेकपा एमाले जिल्ला अध्यक्ष सूर्यप्रसाद गैह्रे (पारस) को अध्यक्षतामा भएको सो बैठकमा नेपाली कांग्रेसका सभापति राजु थापा, नेकपा माओवादी केन्द्रका संयोजक शैलेन्द्र घिमिरे, नेकपा समाजवादीका अध्यक्ष शंकरध्वज कार्कीले निर्णयमा हस्ताक्षर गरि कार्यक्रमलाई सभ्य र भब्यताका साथ संबिधान दिवस मनाउने प्रतिबद्धता जनाएका छन् ।
यसैगरी, सोही छलफलमा कांग्रेसतर्फका उपसभापति केदार काफले, गण्डकी प्रदेश सदस्य कुमबहादुर गुरुङ, नगरसभापति सुरजकुमार अधिकारी, एमालेतर्फका उपाध्यक्ष महेश पुरी, सचिव रामचन्द्र भट्टराई, समाजवादीतफृका उपसचिव सन्तोष भण्डारी लगायतका सहभागी थिए ।