स्याङजा ३ कात्तिक । नेपाली कांग्रेस स्याङ्जा क्षेत्र नं. १ को प्रदेशसभा ख को आयोजनामा समसामयिक विषयमा शनिवार अन्र्तक्रिया कार्यक्रम गरेको छ ।
कांग्रेस पार्टी कार्यालयमा आयोजित कार्यक्रममा बोल्दै नेपाली कांग्रेस गण्डकी प्रदेश उपसभापति कल्पना तिवारीले नेपाली कांग्रेस सबैको साझा र सुनौला भविष्य बोकेको पार्टी भएको बताउनुभयो । विपी कोइरालाले रोपेको बिधि र बिधान अनुरुप हिजो, आज र भोली पनि सबैका आशा र भरोसाका पार्टी बन्ने बताउनुभयो । कांग्रेसलाई बलियो बनाए मात्र तपाई हामी सबैले अवसर पाउने जनाउदै पार्टीभित्रका मतभिन्नता भए समाधानतर्फ लाग्नु पर्नेमा प्रदेश सांसद समेत रहनु भएका तिवारीको भनाई छ । प्राकृतिक सम्पतीका सम्बद्धृन र उपयोगका लागि अव नेपाली कांग्रेसले नेतृत्व लिई समग्र जिल्लाको समृद्धि र विकासमा जुट्नु पर्नेमा जोड दिनुभयो ।
कार्यक्रममा जिल्ला सभापति राजु थापाले संघ, प्रदेश र स्थानीय सरकारले युवाशक्ति लाई स्वदेशमा अड्याउने खालका निति ल्याउनु पर्ने बताउनुभयो । जनप्रतिनिधि बलियो भए मात्र देश र जिल्लाको विकास हुने संघिय सांसद समेत रहनु भएको थापाले बताउनुभयो ।
गण्डकी प्रदेश अर्थ विकास समिति सभापति सभापति भोजराज अर्यालले पार्टीभित्रको बिचलन र कमी कमजोरी हटाउदै अघि बढ्नु पर्नेमा जोड दिनुभयो ।
कार्यक्रममा नेपाली कांगूेसका पूर्वसभापति श्रीप्रसाद जीटी, गण्डकी प्रदेश सदस्यहरु अजित क्षेत्री र कुमबहादुर गुरुङ, कबिता तिवारी, कांग्रेस उपसभापति केदार काफले, महासमिति सदस्य देवी अर्याल, जिल्ला सचिव दामोदर लम्साल, गण्डकी प्रदेश पूर्वसांसद भागवतप्रकाश मल्ल, प्रवक्ता भरतप्रसाद लम्साल लगायतले शुभकामना मन्तब्य ब्यक्त गर्नुभएको थियो ।

यसैगरी, क्षेत्रीय सभापति तुलसीराम रेग्मी, प्रदेशसभा क का सभापति ध्रवविक्रम खाँण, महिला संघ स्याङ्जाका सचिव तारा मल्ल, दलित संघका अध्यक्ष लीलबहादुर रनपाल, शिक्षक संघका सभापति पशुपति पौडेल, तरुण दलका उपसभापति रविन केसी, किसान संघका अध्यक्ष युवराज केसी, नेपाल बिद्यार्थी संघका अध्यक्ष गौरब प्रधान, भीरकोट नगरसभापति ताराप्रसाद अर्याल, विरुवा गाउपालिकाका सभापति डोलराज पोखरेल, वालिङ नगरसभापति नेत्रप्रसाद पाण्डे, हरिनास गाउपालिका सभापति टोपबहादुर भुजेल, फेदिखोला गाउपालिका सभपाति महेन्द्र थापा, अर्जुनचौपारी गाउपालिकाका उपाध्यक्ष सपना गुरुङ लगायतले आ आफना धारणा सहित राय सुझाव दिनुभएको थियो ।
नेपाली कांग्रेस प्रदेशसभा ख का सभापति प्रकाश तिवारीको अध्यक्षतामा सम्पन्न कार्यक्रममा उपाध्यक्ष प्रल्दाहजंग मरासीनीले स्वागत एवं सचिव प्रताप पौडेलले संचालन गर्नुभएको थियो ।