स्याङ्जा २३ कात्तिक । साईराम एवं सत्य साईबाबाको शताब्दीऔं शुभ जन्मोत्सवको अवसर पारेर स्याङ्जामा साई भजनसहित शोभायात्रा गरिएको छ ।
पुतलीबजार नगरपालिका १ स्थित सत्य साईबाबा केन्द्रबाट सुरु गरिएको शोभायात्रा स्याङ्जाको मुख्यबजार परिक्रमा गर्दै प्रगतीनगर पुगेर पुनः साई केन्द्रमा पुगेर समापन गरिएको थियो ।
साइभक्तहरुको उल्लेख्य सहभागिता रहेको शोभायात्रापछि केन्द्रमा आयोजित कार्यक्रमलाई केन्द्रका पूर्वअध्यक्ष राजकुमारी गुरुङ (रमणी) ले साईबाबाका योगदान र सामाजिक सेवाका बारेमा जानकारी गराउनुभयो । सत्कर्म, सदभाव र सहयोग गर्नु मानवीय जीवनको मूल्य र मान्यता रहेकोमा उहाले जोड दिनुभयो ।
सोही कार्यक्रममा गण्डकी प्रदेश महिला बिभाग उपाध्यक्ष लक्ष्मी श्रेष्ठले कार्यक्रमका बारेमा जानकारी गराउनुभएको थियो ।