स्याङ्जा २४ कात्तिक । अपाङ्ग बाल अस्पताल तथा पुनस्र्थापन केन्द्र बनेपा, काभ्रेपलान्चोकको आयोजना र पुतलीबजार नगरपालिकाको समन्वयमा अपांगता भएका ब्यक्तिकालागि सहायक सामाग्री बितरण गरिएको छ ।
दुई महिनाअघि पुतलीबजारमा भएको अपांगता भएका ब्यक्तिहरुका लागि जिल्ला स्तरीय स्वास्थ्य शिविरमा नाप गरिएका सहायक सामाग्री बितरण गरिएको हो । शिविरमा नापजाँच गरिएकामध्ये ५ जनालाई जुत्ता र एउटा ह्वीलचियर प्रदान गरिएको हो ।
पुतलीबजार नगरपालिकाका कृष्टिना थापालाई ह्वीलचियर, पुतलीबजारका साबित्री कार्की र अनबी सेन सहित आँधीखोला गाउँपालिकाका साहिल मिजार र कालीगण्डकी गाउँपालिकाका निरुता न्यौपानेलाई सहायक अन्र्तगतको जुत्ता प्रदान गरिएको छ ।
सहायक सामाग्री प्रदान गर्दै पुतलीबजार नगरप्रमुख तुलसीराम रेग्मीले अपांगता भएका ब्यक्तिका लागि यी सामाग्र्रीले जीवनयापनमा सहज बनाउने बताउनुभयो । आज सवलांग भएका ब्यक्ति जुनसुकै समय र उमेरमा पनि अपांग बन्न सक्ने जनाउदै प्रमुख रेग्मी यस्ता कार्यलाई आगामी दिनमा पनि सहयोग गर्नेमा जोड दिनुभयो ।
कार्यक्रममा प्रमुख प्रशासकिय अधिकृत धर्मराज ढुंगााना, नगर शिक्षा अधिकारी बाबुराम बराल, महिला बालबालिका तथा जेष्ठ नागरिक शाखा प्रमुख ठगीकुमारी खनालले नगरपालिका र अपांगताका क्षेत्रमा क्रियाशिल संघ÷संस्थाबीच समन्वय एवं सहकार्य गर्दै नगरपालिकाले काम गर्दै आएको जानकारी गराउनुभयो ।
अपाङ्ग बाल अस्पताल तथा पुनस्र्थापन केन्द्र गण्डकी प्रदेश पोखराका कार्यक्रम सयोजक शालिग्राम तिमिल्सिनाले कार्यक्रमको सहजीकरण गर्नुभएको थियो ।
स्याङ्जा स्थित सामाजिक बिकास कार्यालय , अपाङ्ग सशक्तीकरण तथा सामुदायिक बिकास केन्द्र स्याङ्जा र अपाङ्ग समाज स्याङ्जाको सहयोगमा पुतलीबजार नगरपालिकाको प्राङ्गणमा शिविर आयोजना गरिएको थियो ।
अपाङ्ग बाल अस्पताल तथा पुनस्र्थापन केन्द्र बनेपाले सेवा शुभारम्भ गरेको ४१ औं बार्षिकोत्सवको अवसर पारेर भदौ २१ गते शनिवारका दिन पुतलीबजारमा शारीरिक अपाङ्गता पहिचान तथा स्वास्थ्य शिविर गरिएको थियो ।