स्याङ्जा १३ कात्तिक । नेवा ः देय दबू स्याङ्जाले माघ महिनामा सडक महोत्सव सहित सामुहिक बेल बिवाह (इही) गर्ने भएको छ ।
सडक महोत्सव स्याङ्जा सदरमुकाममा पहिलो पटक हुन लागेको हो । सामुहिक बेल विवाह (इही) भने यसअघि पनि सम्पन्न भैसकेको छ ।
स्याङ्जा सदरमुकाममा बिहीवार बसेको दबु जिल्ला कार्य समितिको बैठकले ३ दिने महोत्सव गर्ने निर्णय गरेको नेवा देय दबुका अध्यक्ष हिक्मत श्रेष्ठले जानकारी दिनुभयो ।
महोत्सव तयारीका लागि दबुका अध्यक्ष श्रेष्ठको संयोजकत्वमा मुल समारोह समिति समेत गठन गरिएको छ । महोत्सवमा बिभिन्न जनजातीका भेषभुषा सहित सास्कृतिक कार्यक्रम समेत गरिने भएको छ ।
स्याङ्जा सदरमुकाम अर्थात पुतलीबजारमा गरिने महोत्सवको भने तीथी मिती र स्थान भने हाललाई तोकिएको छैंन । सबै सरोकारवालाबीचको छलफल पनि मिति र स्थान तय गरिने पनि अध्यक्ष श्रेष्ठले बताउनुभयो ।
बेल विवाहलाई नेवार शब्दमा ‘इहि’ भन्ने गरिन्छ । नेवार जातिमा बालिका रजश्वला नभईकन उसको बेलसँग विवाह गरिदिने परम्परा रहेको छ । जसलाई बेल विवाह भनेर चिनिन्छ । बेल विवाह गर्ने बालिका दिनभरि व्रत बसेर बेल लगायत कलश, बज्र, चक्र आदिको पूजाआजा गर्दछन् । विधिवत् रूपमा पूजाआजा गरी विवाह गर्ने बालिकाका बुवाले कन्यादान दिएपछि यो विवाह सम्पन्न हुने गर्दछ । नेवार जातिमा बेल जस्तो भयो दुलहीको वर पनि उस्तै हुने विश्वास छ ।