स्याङ्जा ३० साउन । पुतलीबजार नगरपालिका वडा न ६ मा राष्ट्रिय प्रजातान्त्रिक पार्टीको अधिवेशन सम्पन्न भएको छ । राप्रपा गण्डकी प्रदेश अध्यक्ष एवं पूर्वमन्त्री पंचराम गुरुङ्ले अधिवेशनको उदघाटन गर्नुभएको हो ।
कार्यक्रममा बोल्दै पूर्वमन्त्री गुरुङले राप्रपाको संगठन मजबूद बनाउन सबै जना क्रियाशिल हुनु पर्ने बताउनुभयो । स्याङ्जाको विकासका लागि सबैसंग हातेमालो गर्दै अघि बढ्ने बताउनुभयो ।
कार्यक्रममा पूर्व केन्द्रिय सहायक महामन्त्री मदन कार्की, राप्रपा नेता धनप्रसाद गुरुङ लगायतले शुभकामना मन्तब्य ब्यक्त गर्नुभएको थियो ।
अधिवेशनले दिलबहादुर गुरुङको अध्यक्षतामा १७ सदस्यीय वडा समिति निर्वाचित गरेको छ । समितिको उपाध्यक्षमा मेखमाया गुरुङ, लीलाधर च्वाई र कमल गुरुङ, सचिवमा रामकाजी गुरुङ, सहसचिवमा नेत्रबहादुर भुजेल, कोषाध्यक्षमा गणेश गुरुङ निर्वाचित हुनु भएको छ ।
यसैगरी, सदस्यहरुमा भक्तबहादुर गुरुङ, पुरन गुरुङ, महेन्द्र भुजेल, अमिन गुरुङ, लक्ष्मण गुरुङ, कुलबहादुर गुरुङ, निरा गुरुङ, पुष्प गुरुङ, सुरज गुरुङ, भरत पौडेल रहनु भएको छ ।
रामचन्द पौडेलको अध्यक्षतामा सम्पन्न कार्यक्रममा बिभिन्न राजनीतिक पार्टी परित्यागगरि २५ जना राप्रपामा प्रवेश गरेको बताइएको छ ।