स्याङ्जा २३ कात्तिक । राष्ट्रिय लोक तथा दोहोरीगीत प्रतिष्ठान स्याङ्जाको नवौं अधिवेशसनले जगत गौंडेल सर्वसम्मत चयन हुुनु भएको छ ।
प्रथम उपाध्यक्षमा राजेश भण्डारी, द्वितीय उपाध्यक्ष–अनिल लम्साल, महिला उपाध्यक्ष–तारा पौडेल श्रेष्ठ, सचिव रेशम थापा, सहसचिव–पाल बहादुर सिंङ (लक्ष्मण ठकुरी), कोषाध्यक्ष–रविना गुरुङ र सह–कोषाध्यक्ष सम बस्याल रहेका छन् ।
यसैगरी जीवन थापा, कृष्ण मल्ल ठकुरी, सगुन थापा, थमबहादुर नेपाली, विक्रम सम्वत, एलिना गुरुङ, शुशिल पोख्रेल, भोजकुमारी पाण्डे, सवाष गुरुङ, यज्ञ प्रसाद डुम्रे, बत्ती थापा, लिल बहादुर थापा र ज्ञानीमायाँ गुरुङ (शिला) गरी २१ सदस्यीय नयाँ कार्यसमिति निर्वाचित भएको छ ।
नवनिर्वाचित कार्य समितिको प्रथम वैठकले प्रतीक्षा काफ्ले, मञ्जु खनाल र सुरेश विक गरी ३ जना मनोनित सहित २४ सदस्यीय समिति निर्माण गरेको छ भने पछि १ जना सदस्य पुनः मनोनित गर्नेगरी २५ सदस्यीय कार्यसमिति बनाइने नवनिर्वाचित अध्यक्ष गौंडेलले जानकारी दिनुभयो ।
कार्यक्रमको उदघाटन गर्दै प्रतिष्ठानका केन्द्रीय वरिष्ठ उपाध्यक्ष पशुपति शर्माले हाम्रा अग्रजहरुले देखाएको बाटो पछ्याउँने क्रममा आज धेरैजना कलाकर्मीले आफ्नो व्यक्तित्व विकास गर्न सफल भएको बताउनुभयो । कलाकारितालाई मुख्य आधार बनाएर लागेका धेरै कलाकर्मीहरु आफ्नो शान मान र इज्जतकासाथ स्थापित हुन सफल भएका शर्माको भनाई छ । अग्रजलाई सम्मान र नवप्रतिभालाई प्रोत्साहन भन्ने संस्थाको नारालाई आत्मसाथ गर्दै हाम्रो मौलिक कला र संस्कृतिको संरक्षण सम्वद्र्धन र प्रवद्र्धनमा लाग्नुपर्ने शर्माले जनाउनुभयो ।
प्रतिष्ठानका केन्द्रीय प्रथम उपाध्यक्ष रामजी खाँणले नवनिर्वाचित समितिका अध्यक्ष गौंडेललाई सपथ गराउनुभएको थियो ।
प्रतिष्ठानका अध्यक्ष नेत्र खड्काको अध्यक्षतामा सम्पन्न अधिवेशनले संथापक अध्यक्ष गोपाल जिटी लगायत पूर्व अध्यक्षहरु अर्जुन गैह्रे, नेत्रप्रसाद पाण्डे र ऋषि डुम्रेलाई सम्मानपत्रले सम्मान गरिएकोे थियो ।
यसैगरी नव प्रतिभामा बाल नृत्याङ्गनाहरु आयुषा खत्री, निष्मा खनाल, वर्षा गुरुङ र रियाना सुवेदी सहित ४ जना बाल कलाकारलाई प्रशंसापत्रले सम्मान गरेको छ ।