स्याङ्जा २७ मंसिर । पुतलीबजार नगरपालिकामा भएको आठौं राष्ट्रपति रनिङ शिल्ड प्रतियोगिताको उपाधी रोशनी आवासिय माविले जितेको छ । उपाधीसंगै रोशनीले लगातार तेस्रो पटक उपाधी जितेर रनिङ शिल्ड जित्न सफल भएको छ ।
पुतलीबजार नगरपालिका १ स्थित मालेबगर खेलमैदानमा सम्पन्न प्रतियोगितामा सहभागी २४ विद्यालय मध्ये वडा नम्बर १ नारायणस्थानमा रहेको रोशनी माविले १९ स्वर्ण, ३ रजत र ४ कास्य पदक सहित उपाधी जितेको हो ।
यसैगरी, प्रतियोगितामा पुतलीबजार नगरपालिका ६ स्थित हिमालय मावि ५ स्वर्ण, १ रजत पदक सहित दोश्रो भएको छ ।
दुई स्वर्ण , ५ रजत र ३ कास्य पदक सहित स्याङ्जा मावि तेस्रो भएको भने १ स्वर्ण ५ रजत र ४ कास्य सहित त्रिभुवन आर्दश मावि सान्त्वना भएको छ ।
प्रथम, द्धित्तिय र तृतीय हुने बिद्यालयले क्रमश ः १५ हजार, १० हजार र ७ हजार नगद सहित शिल्ड, मेडल, ट्रफी र प्रमाणपत्र पाएका छन् । प्रतियोगितामा बिभिन्न बिधामा उत्कृष्ठ भएका बिद्यार्थीलाई पनि ट्रफी सहितले पुरस्कृत गरिएको छ ।
प्रतियोगितामा भलिबल, ट्रिपलजम्प, एथलेटिक्स (दौड), ज्याभलिन थ्रो, हाईजम्प, सटपुट, लङ्जम्प, कबड्डी, भलिवल र बिभिन्न मीटरका दौड लगायतका १५ वटा खेलहरू समावेश थिए । सबै प्रतियोगितामागरी १ हजार २८० बिद्यार्थी सहभागि थिए ।
प्रथम, द्धितिय, तृतीय हुने बिद्यालयलाई नगद सहित रनिङ् शिल्ड, मेडल र प्रमाणपत्रले पुरस्कृत गर्दै नगर प्रमुख तुलसीराम रेग्मीले खेलकुद मार्फत विद्यार्थीहरूमा आत्मविश्वास, नेतृत्व क्षमता र अनुशासन विकास गर्ने उद्देश्य रहेको बताउनुभयो ।
कितावी ज्ञान सहित खेलकूदका माध्यमबाट बालबालिकाको मानसिक एवं शारिरीक स्वस्थ्यताको विकास गराउनेमा जोड दिनुभयो । सबैका लागि खेलकूद आवश्यक रहेको जनाउदै आगामी दिनमा पनि यस्ता कार्यक्रमलाई निरन्तरता दिदै जानेमा जोड दिनुभयो ।
कार्यक्रममा नगर प्रवक्ता मनोज पौडेल, निमित्त प्रम्ुख प्रशासकिय अधिकृत बाबुराम बराल, वडा नं. ८ का अध्यक्ष इमबहादुर सेन, ७ का अध्यक्ष कृष्णबहादुर आले लगायतले पुरस्कृत गर्नुभएको थियो ।
पुतलीबजार नगर खेलकूद विकास समितिका अध्यक्ष यामबहादुर गुरुङ्को अध्यक्षतामा सम्पन्न कार्यक्रमको संचालन शिक्षा अधिकृत पुष्पराज जोशीले गर्नुभएको थियो ।