स्याङ्जा २३ असार । पुतलीबजार नगरपालिका १० स्थित राङ्खोला सिकाइ केन्द्रले बंगुरका पाठापाठी बितरण गरेको छ । बंगुर पालन गर्ने र पालनका लागि रुची राख्ने महिलाहरूलाई लक्षित गरेर ती पठापाठी बितरण गरिएको केन्द्रले जनाएको छ ।
पाठापाठी प्रदान कार्यक्रममा बोल्दै नगरप्रमुख तुलसीराम रेग्मीले बंगुरका पाठापाठीबाट राम्रो आम्दानी लिन सकिने बताउनुभयो । महिलाहरुलाई आयआर्जनमा जोडी आत्मनिर्भर बनाउन बंगुरपालन उपयुक्त पेशा तथा ब्यवासय रहेको उहाले भन्नुभयो । उत्पादन तथा आयमा संलग्न भई आर्थिक अवस्थामा सुधार ल्याउन सकिने भएकाले यस्ता कार्यक्रमलाई सिकाई केन्द्रले प्राथमिकतामा राखेको पनि नगर प्रमुख रेग्मीको भनाई छ ।
कार्यक्रममा उप(प्रमुख देवी अर्याल, शिक्षा शाखा प्रमुख बाबुराम बराल, कांग्रेस नेता कुमबहादुर गुरूङ, पूर्व वडा अध्यक्ष दुर्गबहादुर शाह लगायतले महिलाहरूलाई आत्मनिर्भर बनाउन यस्ता खालका सहयोगले प्रत्यक्ष लाभ पुग्नेमा जोड दिनुभयो ।
सिकाइ केन्द्रका अध्यक्ष भिमसेन पौडेलको अध्यक्षतामा सम्पन्न कार्यक्रममा सिकाइ केन्द्रकी सदस्य केशकुमारी थापाले स्वागत, वडा अध्यक्ष अग्निप्रसाद पौडेलले धन्यवाद र केन्द्रका सचिव सुरजकुमार अधिकारीले संचालन गर्नुभएको थियो ।
राङ्खोला बरजा निवासी २८ घर परिवारका महिलालाई जनही एक÷एक वटा पाठा र पाठी वितरण गरिएको सचिव सुरजकुमार अधिकारीले जानकारी दिनुभयो ।
