स्याङ्जा १८ कात्तिक । सिद्धार्थ राजमार्ग हुदै बुटबलबाट बाग्लुङतर्फ लैजादै गरेको १३ कार्टुन खैनी (सुर्तीजन्य पदार्थ) स्याङ्जाको नाका राम्दीबाट प्रहरीले नियन्त्रणमा लिइएको छ ।
गल्याङ नगरपालिका –१ स्थित अस्थायी प्रहरी चौकी राम्दी नाकामा खटिएका प्रहरीले गए राती साढे १ बजे १३ कार्टुन अर्थात ६ हजार ४८० बट्टा खैनी सहित नियन्त्रणमा लिएको प्रहरी नायब उपरीक्षक प्रसन्नराज चौधरीले जानकारी दिनुभयो । उहाका अनुसार, खैनीको बजार मूल्य २ लाख ७३र हजार रुपैयाँ छ ।
बुटवलबाट आउदै गरेको ग १ क ५३८६ नम्बरको ट्रकमा बिज्ली स्प्रिट टोबाको लेखिएको खैनी ल्याइएको थियो। प्रहरी चेकजाँच गर्ने क्रममा खैनी भेटियो । बरामद खैनी आवश्यक अनुसन्धान र कारबाहीका लागि आज नै भैरहवा भन्सार कार्यालय, बेलहिया रुपन्देही पठाइएको प्रहरीको भनाई छ ।