स्याङ्जा १६ फागुन । रेबिज संक्रमित एक भैंसी सहित सहित अन्य ४ वटा घरपालुवा जनावर किनबेच गरेको आरोपमा वालिङबाट २ जना पक्राउ परेका छन ।
जनावर बिक्री गर्र्ने वालिङ नगरपालिकाका ५५ वर्षीय राजेन्द्रबहादुर के.सी. र खरिदकर्ता ५० बर्षिय शंसुद्धिन मिया पक्राउ परेका हुन ।
केसीले घरमा पालेका मर्न लागेको भेैसी सहित पाडा, बाख्रा र पाठीगरि ४ वटा घरपालुवा जनावर मियालाई बिक्री गरेको थिए । बिक्रीपछि भैसी मरेको र भैसींमा रेविजको लक्षण देखिएको प्रहरी नायब उपरीक्षक हरिप्रसाद पौडेलले जानकारी दिनुभयो ।
जनाबर खरिदगरी मासुका लागि बजारतर्फ लादै गरेको अवस्थामा मियालाई पक्राउ गरिएको हो । बालिङ नगरपालिकाका पशु प्राविधिकलाई उदृत गर्दे भैसीमा संक्रामक रोग रेबिजको लक्षण देखिएको प्रहरीले जनाएको छ ।
सवारी साधनमा राखी मियाले वालिङहुँदै भीरकोट नगरपालिको बयरघारीतर्फ लैजाँदै गरेको अवस्थामा पक्राउ परेका र खानतलासी गर्दा मरेको भैँसी सहित भैँसीको पाडो, बाख्रा र बाख्राको पाठीगरि ४ वटा पशु भेटिएको थियो ।
पक्राउ परेको २ जनालाई जिल्ला अदालत स्याङ्जाबाट सङ्क्रामक रोग फैलाउन नहुने कसूर मुद्दामा म्याद थप गरी अनुसन्धान जारी छ । प्रहरीका अनुसार मरेको भैँसीलाई व्यवस्थित रूपमा पुरिएको र अन्य ३ पशुलाई केसीका पत्नीलाई जिम्मा लगाइएको प्रनाउ पौडेलको भनाई छ ।
मरेको भैसीलाई केही दिनअघि कुकुरले टोकेको बताइएको छ ।