स्याङ्जा १८ असार । स्याङ्जा सदरमुकाम अर्थात पुतलीबजार नगरपालिकामा पहिलो पटक होटल म्यानेजमेन्ट बिषयमा पढाई हुने भएको छ ।
पुतलीबजार नगरपालिका — ३ बाडखोलामा स्थित शिशु निकेतन आवाशिय माध्यमिक बिद्यालयले यही शैक्षिक सत्र २०८२ देखि कक्षा एघारमा होटल म्यानेजमेण्ट विषयको पढाई सुरु गर्ने भएको हो ।
बि. सं. २०५७ सालमा स्थापित यस विद्यालयले विद्यार्थीहरुको चाहना बमोजिम होटल म्यानेजमेन्ट बिषयमा पढाई सुरु गर्न लागिएको प्रिन्सिपल मनोज मल्लले जानकारी दिनुभयो ।
उहाले भन्नुभयो, ‘शिक्षाको आवश्यता र समयको माग बमोजिम यस बिषयमा पढाउने निर्णय गरेका होै । धेरै बिद्यार्थीहरु होटल म्यानेजमेण्ट बिषयमा पढ्नका लागि जिल्ला बाहिर जानु पर्ने वाध्यतालाई हटाउदै आफनै घरमा बसेर पढ्ने अवसर दिलाएका छौं ।’
होटल म्यानेजमेण्ट पढ्नका लागि स्याङ्जाका बिद्यार्थी पोखरा लगायत अन्य शहरमा जाने गर्दथे । अव भने सो वाध्यता हट्ने भएको छ ।
होटल म्यानेजमेण्ट पढाउने सम्पूर्ण तयारी पुरा भैसकेको विद्यालयका एकेडेमिक डिन राजेन्द्र बहादुर गोदारले जानकारी दिनुभयो । सरकारी तथा निजी बिद्यालयमा अध्यापनरत शिक्षकहरुद्धार सो बिषयमा अध्ययन गराउने भएका छौं उहाँले भन्नुभयो ।
शैक्षिक सत्र २०८१ को नतिजा प्रकाशनको तयारीभएसंगै विद्यालयले कक्षा संचालनलाई तदारुकताकासाथ अगाडि बढाएको छ र त्यसका लागि आवश्यक सबै प्रकारका व्यबस्थापनका तयारी पुरा भैसकेको र अव छिटै पढाई सुरु गरिने तयारीमा रहेको बिद्यालयले जनाएको छ ।