स्याङ्जा १५ जेठ । पुतलीबजार नगरपालिकाद्धारा आयोजित नगरस्तरिय गणित तथा विज्ञान विषयका शैक्षिक प्रदर्शनी प्रतियोगितामा दुबैतर्फका बिधामा त्रिभुवन आर्दश नमूना माध्यमिक बिद्यालय प्रथम भएको छ ।
बिज्ञानतर्फको द्धितियमा चक्रकमला आधारभूत बिद्यालय, तृतीयमा काजिमान हरिटिका मावि र सान्तनामा सरस्वती मावि भएका छन् ।
यसैगरी, गणित बिषयतर्फ द्धितियमा जनता मावि, तृतीयमा कोल्मा बराहचौर मावि र सान्त्वनामा रामकोष फुलबारी मावि भएको मूल्यांकन समितिका संयोजक डोलप्रसाद रेग्मीले जानकारी दिनुभयो ।
प्रथम, द्धितिय र तृतीय हुने बिद्यालयलाई नगद पुरस्कार प्रदान गर्दै नगर प्रमुख तुलसीराम रेग्मीले शिक्षा र सिपलाई जोड्दै अनुसन्धानात्मक कार्यका लागि यस्ता प्रतियोगिताको महत्वपूर्ण भूमिका रहने बताउनुभयो ।
जिज्ञासु एवं अध्ययनशिल बालबालिकाहरुका प्रतिभा पहिचानका लागि नगरपालिकाले संयुक्तरुपमा शैक्षिक प्रर्दशनीको आयोजना गरेको बताए। आगामी दिनमा पनि यस्ता प्रतियोगितात्मक कार्यक्रमलाई निरन्तरता दिईने उहाले भन्नुभयो ।
कार्यक्रममा नगर उपप्रमुख देवी अर्याल, प्रमुख प्रशासकिय अधिकृत धर्मराज ढुंगाना, नगर शिक्षा अधिकारी बाबुराम बराल, सामाजिक विकास कार्यालय स्याङ्जाका प्रमुख जीवन पौडेल, गणित बिषयका संयोजक शिव ढकाल, बिज्ञान बिषयका संयोजक नवराज सुवेदी, नायब सुब्बा शोभा बस्याल लगायतले बिद्यार्थीलाई यस्ता कार्यक्रमले अनुसन्धानात्मक तथा रचनात्मक कार्यमा उत्पे्ररित गराउनेमा जोड दिनुभयो ।
प्रतियोगितामा प्रथम हुनेले १२ हजार, दोश्रो हुनेले १० हजार, तेस्रो हुनेले ८ हजार र सान्त्वना हुनेले ६ हजार नगद पुरस्कार पाएका छन्। पुतलीबजार नगरपालिका अन्र्तगतका २७ वटा बिद्यालयको सहभागि थिए।
पुतलीबजारले पहिलो पटक यस्तो प्रतियोगिता राखेको भन्दै शिक्षक तथा बिद्यार्थीहरुले खुशी ब्यक्त गरेका थिए।
