स्याङ्जा २० माघ । गरिबी निवारणका लागि लघुउद्यम बिकास कार्यक्रम (मडपा) अन्र्तगत पुतलीबजार नगरपालिकाको आयोजनामा मौरी पालन तालिम सुरु गरिएको छ ।
बिशेषगरि महिलालाई उद्यम बिकास सम्बन्धी प्राबिधिक सीप विकास तालिम दिने उदेश्यले आइतवारदेखि तालिम सुरु गरिएको हो ।
तालिमको शुभारम्भ गर्दे नगरप्रमुख तुलसीराम रेग्मीले तालिमलाई तालिममा मात्र सिमित नराखी ब्यवहारिक रुपमै कार्यान्वयन गर्नु पर्ने बताउनुभयो ।
मौरी र महको महत्वका बारेमा जानकारी गराउदै घरेलु औषधीदेखि राम्रो आयआर्जन गर्न सकिने मौरी पालनगरी आयआर्जन गर्न समेत उहाले सुझाव दिनुभयो । सिप सिकेर उद्यम संचालन गर्न र आय आर्जनमा जोडिन सहभागीलाई आग्रह गर्दै मौरीका घार सहित उपलब्ध गराउने जानकारी गराउनुभयो ।
कार्यक्रममा उपप्रमुख देवी अर्याल र प्रमुख प्रशासकिय अधिकृत धर्मराज ढुंगानाले तालिमको सदुपयोग गर्दै सिप सिक्न सुझाव दिनुभएको थियो । ५ दिने तालिममा प्रशिक्षक इश्वरीप्रसाद ढकालले प्रशिक्षण दिनुहुने भएको छ ।
कार्यक्रमको सहजीकरण रोजगार शाखा प्रमुख लक्ष्मी पौडेलले गर्नुभएको थियो । तालिममा पुतलीबजार नगरपालिकाका १४ वटा वडाका महिला संजालका अध्यक्ष सहित एक सदस्यगरि २८ जनाको सहभागिता छ ।