स्याङ्जा १४ चैत । पुतलीबजार नगरपालिका वडा नं. १ को आयोजना तथा सामाजिक विकास, युवा तथा खेलकुद मन्त्रालय अन्र्तगतको ब्यावसायिक तथा सीप विकास तालिम केन्द्र पोखराको सहयोगमा स्याङ्जाका युवाहरुलाई निशुल्क बिद्युत जडान सम्बन्धि तालिम बिहीवार (आज) देखि सुरु भएको छ ।
स्याङ्जा सदरमुकाम अर्थात पुतलीबजारमा संचालित तालिम ३ सय ९० घण्टा अर्थात ३ महिनाको हुने बताइएको छ । सो तालिम निशुल्क हुने भएको हो । तालिमको उदघाटन गर्दे १ का अध्यक्ष उत्तमप्रसाद श्रेष्ठले तालिम लिएर आत्मनिर्भर बन्न सुझाव दिनुभयो ।
प्राबिधिक तालिमको अभाव भैरहेका बेला युवाका माग बमोजिम तालिम उपलब्ध गराएको जनाउदै तालिमको सही सदुपयोग गर्न सहभागीलाई आग्रह गर्नुभयो ।
कार्यक्रममा सदस्यहरु अनिता रुचाल, पवित्रादेवी लम्साल, बिष्णुकुमार श्रेष्ठ, हिटलर पौडेल, वडा सचिव राम शर्मा पोखरेल र प्रशिक्षक विशाल अर्याल लगायतले शुभकामना सहित तालिमलाई भरपुर उपयोग गर्न सहभागीलाई जोड दिनुभयो ।
तालिम केन्द्र पोखराका लेखाअधिकृत बिनोद रेग्मीको अध्यक्षतामा सम्पन्न कार्यक्रमको संचालन सहप्रशिक्षक कृष्णप्रसाद थापाले गर्नुभएको थियो । तालिममा जिल्लाभरका २५ जना सहभागी छन् ।