स्याङजा १ साउन । पुतलीबजार नगरपालिकाका शौन्दर्यकर्मी (ब्यूटिपार्लर संचालक) ले बालगृहमा आश्रित बालबालिकाको सरसफाई गरेका छन् ।
फेदिखोला गाउँपालिका १ स्थित अमोर सेवा नेपाल बालगृहमा आश्रित ४० जना बालबालिकाको सरसफाई गर्ने बिबि र तरिका सहितको सेवा उपलब्ध गराएका हुन ।
सदरमुकाम अर्थात पुतलीबजार बसेर शोैन्दर्यकला सम्बन्धी ब्यवसाय गर्दै आएका ७ जना शौन्दर्यकर्मीहरुले बालबालिकाको कपाल र नङ काट्नुका साथै नुहाइधुवाई र स्वास्थ्य सरसफाई सम्बन्धी जानकारी गराएका हुन ।
शौन्दर्यकमी माया गोर्खाली, बसन्ती आले थापा, रिमा थापा, रेखा शर्मा, एलिसा सेन (पार्वती), अन्जु शर्मा, निशु सिंह सहितको टोलीले ब्यक्तिगत रकम संकलनगरि बालगृहमा आश्रित बालबालिकालाई सरसफाईका सामाग्री सहयोग र सरसफाई सम्बन्धी जानकारी गराएको हर्वल ब्यूटिपार्लर संचालक माया गोर्खालीले जानकारी दिनुभयो ।
यसैगरी, सूर्योदय साकोस संचालक समितिका सचिव मीरा मल्लले १ हजार ५ सय ५ र शर्मिला कुँवरले १ हजार ५ सय १० नगद सहयोग गरेको बालगृह संचालिका कमला पराजुलीले बताउनुभयो ।
