स्याङ्जा ९ बैशाख । पुतलीबजार नगरपालिका पुर्ण खोप पालिका घोषणा भएको छ । पुतलीबजार नगरपालिकामा मंगलबार आयोजित कार्यक्रममा सरोकारवालाले हस्ताक्षर गर्दे दिगोपनका लागि समेत प्रतिबद्धता जनाएका छन् ।
पुतलीबजार नगर स्तरिय खोप समन्वय समितीको आयोजानामा पुर्ण खोप सुरक्षित भविष्य शिक्षा स्वास्थ्य र पुर्बाधार समुन्नत पुतलीबजारको आधार, स्थानीय श्रोतको सदुपयोग स्वामित्व र सहभागिता पुर्ण सुनिश्चितता हाम्रो प्रतिबद्धता भन्ने मुल नाराका साथ नगरपालिकालाई पुर्ण खोप सुनिश्चितता तथा दिगोपनाका लागि पुर्ण खोप पालिका घोषणा गरिएको हो ।
पुर्ण खोप पालिका घोषणा गर्दै जिल्ला समन्वय समिति प्रमुख एवं जिल्ला खोप समन्वय समितिका संयोजक श्री प्रसाद घर्तीले पुर्ण खोप कार्यक्रमलाई प्रत्येक वर्ष निरन्तरता दिनुपर्ने कुराको आवश्यकता औंल्याउनुभयो । कुनै पनि बालबालिका खोपबाट वञ्चित हुन नहुनेमा समन्वय प्रमुख घर्तीको जोड थियो ।
कार्यक्रममा नगर प्रमुख तुलसीराम रेग्मीले स्वास्थ्य क्षेत्रमा पुतलीबजार नगरपालिका उत्कृष्ट बन्दै आएको बताउनुभयो । उहाँले खोपको निरन्तरताको लागी सबैको साथ र सहयोग महत्वपुर्ण हुने बताउनु्भयो ।
प्रदेश जनस्वास्थ्य कार्यालयका निमित्त प्रमुख जीवन भट्ट, प्रमुख प्रशासकिय अधिकृत धर्मराज ढुङ्गाना, नगर प्रवक्ता मनोज पौडेल, कोल्मा स्वास्थ्य चौकीका ईन्चार्ज राजेश कुवंर, स्वास्थ्य अधिकृत मित्रबन्धु अर्याल लगायतले शुभकामना मन्तब्य ब्यक्त गर्नुभएको थियोे ।
कार्यक्रममा स्वास्थ्य शाखा प्रमुख अनिशा सुवेदीले नगरमा खोपको अवस्थाका बारेमा कार्यपत्र प्रस्तुत गर्नुभएको थियो । नगर प्रमुख तुलसीराम रेग्मीको अध्यक्षतामा सम्पन्न कार्यक्रममा उपप्रमुख देवी अर्यालले स्वागत एवम् कार्यक्रमको सञ्चालन स्वास्थ्य अधिकृत ईश्वर बहादुर थापाले गर्नुभएको थियो । कार्यक्रममा १४ वटै वडालाई प्रशंसापत्र वितरण गरिएको थियो ।
सो अवसरमा निरन्तर पुर्ण खोप सुनिश्चित गर्ने साझा प्रतिबद्धता समेत व्यक्त गरिएको छ । पालिकाले १५ महिना भित्रका बालबालिकाले लगाउनुपर्ने नियमित खोप पुरा भएको अवसरमा पुर्ण खोप पालिका घोषणा गरिएको स्वास्थ्य शाखा प्रमुख अनिशा सुवेदीले बताउनुभयो ।
घरधुरी सर्वेक्षणका आघारमा नगर भित्रका खोप लगाउन छुट भएका ५ सय २३ जना बालबालिकालाई खोप लगाएपछि पूर्णखोप सुनिश्चितता घोषणा गरिएको हो ।