स्याङजा ५ चैत । स्याङ्जा सदरमुकाममा रहेको त्रिभुवन आदर्श बहुमुखी क्याम्पसको स्वतन्त्र विद्यार्थी युनियनको सभापतिमा नेविसंघका देवदत्त सुवेदी (गोपी( निर्वाचित हुनुभएको छ ।
पुतलीबजार नगरपालिका १ मा रहेको क्याम्पसमा मंगलबार सम्पन्न निर्वाचनको प्रतक्ष्यतर्फ सुवेदी सहितको नेविसंघका प्यानल नै निर्वाचित भएका हुन । स्ववियु सभापतिमा अनेरास्वीयूका उम्मेदवार विपना सुनामलाई २२९ मतान्तरले पराजित गर्दै सुवेदी निर्वाचित हुनुभएको हो । सुवेदीले ३०९ मत पाउदा सुनामले ८० मत पाउनुभएको थियो ।
सचिवमा असिम भण्डारीले २९१ मत ल्याएर विजयी हुनुभएको छ । उहाका प्रतिस्पर्धी समुन्द्र शर्माले ९४ मत पाउनु भएको छ । कोषाध्यक्षमा समिक्षा मरासिनीले ३०६ मत प्राप्त गदौ मनोजकुमार नेपालीले ८० मत पाउनुभयो ।
सदस्यमा शक्ति नेपाली ३०१, इमत्याज मिया २९४, बिन्दु विक २९३, सोफिया जिटी २९१ र रीतु कार्कीे २९० मत पाएर सबै नेविसंघका उम्मेदवार विजयी भएका हुन ।
यसैगरी, समानुपातिक तर्फ नेविसंघका प्रशन्न पाण्डे, अस्मिता लम्साल, शिवु रेग्मी, राहुल गिरी, सुदल शाक्य निर्वाचित हुनुभएको छ । अनेरास्वीयूका विमला थापा र सदिक्षा थापा विजयी हुनु भएको छ ।
५३४ मतदाता रहेको क्याम्पसमा ३९३ मत खसेको निर्वाचन समितिले जनाएको छ ।