स्याङ्जा १० मंसिर । पुतलीबजार नगरपालिकाले कुखुरा पाल्न इच्छुक किसानलाई कुखुराका चल्ला र दाना उपलब्ध गराउने अभियानलाई निरन्तरता दिएको छ ।
अघिल्लो सातादेखि सुरु गरेको चल्ला बितरण कार्यक्रम अन्र्तगत बुधवार पुतलीबजार नगरपालिकाका वडा नं. ५, ६ र ७ का किसानलाई कुखुराका चल्ला उपलब्ध गराइएको हो ।
कृषि उत्पादनको प्रवद्र्धन, आय–आर्जनका अवसरको विस्तार तथा किसानका जीविकोपार्जनमा सहयोग पु¥याउने उद्देश्यले नगरपालिकाले यस्ता कार्यक्रमलाई निरन्तरता दिइएको नगरप्रमुख तुलसीराम रेग्मीले जानकारी दिनुभयो ।
कुखुरा पालनगरि स्वस्थ्य मासु उत्पादन गरेर आयआर्जन बढाउनुका साथै मासुमा आत्मनिर्भर बनाउनु पालिकाको लक्ष्य रहेको जनाउनुभयो । कुखुराका चल्लाको स्याहार र खानपानमा ध्यान पुरयाएमा राम्रो आम्दानी लिन सकिने पनि प्रमुख रेग्मीको भनाई छ ।
आर्थिक वर्ष २०८२÷८३ को वार्षिक स्वीकृत कार्यक्रम अनुसार सञ्चालित “मासुमा आत्मनिर्भर तथा स्वस्थ मासु उत्पादन कार्यक्रम” अन्तर्गत नगरपालिकाका सबेै वडामा कुखुरा चल्ला बितरण गरिने भएको छ ।
चल्ला बितरण कार्यक्रममा वडा नं. ५, ६ र ७ का वडा अध्यक्षहरु, सचिवहरू, सहित किसानहरुको सहभागिता थियो । किसानका माग र वडाका शिफारिसका आधारमा चल्ला उपलब्ध गराइएको हो । दाना सहितका कुखुरा बितरण अभियानलाई १४ वटै वडामा पुरयाईने नगरपालिकाले जनाएको छ ।
राष्ट्रिय पशु प्रजनन कार्यालय, पोखराबाट खरिदगरि ल्याइएका कुखुराका चल्ला तथा दाना निशुल्क रूपमा वितरण गरिएको हो ।