स्याङ्जा २२ साउन । पुतलीबजार नगरपालिकाका र यूनिका फाउण्डेशन दि नेदरल्याण्डको सहयोग तथा नेपाल रेडक्रस सोसाइटी कास्की शाखा द्वारा संचालित बेलघारी अठासी खानेपानी तथा सरसफाई परियोजना माफर्त दुई दिवसीय विपद जोखिम न्यूनिकरण सम्वन्धी अभिमुखीकरण कार्यक्रम सम्पन्न भएको छ ।
विपदको हिसावले उच्च जोखिममा रहेको संकटासन्न समुदायमा खानेपानी परियोजना सगै विपदमा समेत उपभोक्ता हरुलाई लक्षित गरी अभिमुखिकरण कार्यक्रम संचालन गरिएको हो ।
पुतलीबजार नगरपालिका ४ बेलघारी अठासी खानेपानी तथा सरसफाई परियोजना उपभोक्ता समतिका अध्यक्ष भरतवहादुर थापाको अध्यक्षतामा तथा नेपाल रेडक्रस सोसाइटी कास्की शाखाका कोषाध्यक्ष मोहन सिंह खड्रकाको प्रमुख आतिथ्यता तथा पुतलीबजार नगरपालिका वडा नं. ४ वडा सदस्य पृथ्वी प्रसाद पोख्रेलका विशेष आतिथ्यतामामा उद्घाटन कार्यक्रम गरिएको हो ।
वेलघारी अठासी विपदको हिसावले संकटासन्न समुदायका रुपमा रहेको क्षेत्र मानिएकाले वाढी, पहिरो र बाँदर आतंक हुने गरेको सहभागिले गुनासा सुनाए ।विकाससंग सैगै विपदको नियन्त्रण गर्दै परियोजना अगाडी वढाउन समेमा परियोजनाको दिगोपन हुने बताउनुभयो ।
अभिमुखीकरणमा विपद परिभाषा, चक्र, शब्दावली, संकटासन्न विश्लेषण, प्रकोप स्तरीकरण, स्रोत तथा प्रकोप नक्शांकन जस्ता विषयमा छलफल गरिएको थियो । परियोजना क्षेत्र भित्रका उपभोक्त, यूवा क्लव तथा आमा समुहका प्रतिनिधि सहितको सहभागिता थियो ।
नेरेसो कास्की शाखाका कोषाध्यक्ष मोहनसिंह खड्रका, प्रशिक्षक नवराज भण्डारी, कल्पना ज्ञवाली र सुनिता पौडेलले सहजीकरण गर्नुभएको थियो ।
पुतलीबजार नगरपालिका वातावरण तथा विपद शाखा प्रमुख सृजना लामिछाने, नेरेसो कास्की शाखाका कोषाध्यक्ष मोहन सिंह खड्का, सहभागि सुर्यप्रसाद सुवेदीले तालिमको प्रभावकारिताका बारेमा आ आफना धारणा ब्यक्त गर्नुभयो ।
यसैगरी, पुतलीबजार नगरपालिका विपद पूर्वतयारी तथा प्रतिकार्यका क्षेत्रमा ५० लाखको विपद ब्यवस्थापन कोष स्थापना गरेकोे र तत्काल विपदका घटना भएमा सहयोग गर्ने जनाएको छ । कार्यक्रमको संचालन कास्की शाखाका कर्मचारी दिपकनाथ भण्डारीले गर्नुभएको थियो ।