स्याङ्जा २ बैशाख । पुतलीबजार नगरपालिका र खुमा अर्याल फाउन्डेसनको आयोजना तथा र काठमाडौं बिश्वबिद्यालयको समन्वयमा पुतलीबजारमा मनोसामाजिक समस्या सहजीकरणमा सीप अभिबृद्धि सम्बन्धी प्रशिक्षण कार्यक्रम गरिएको छ ।
पुतलीबजार नगरपालिका अन्र्तगतका सामुदायिक तथा सस्थागत बिद्यालयका शिक्षक प्रतिनिधिहरुको सहभागितामा विद्यार्थीहरुको मनोसामाजिक समस्या सहजीकरणमा प्रधानाध्यापकहरु र सरोकारवालाहरुको सीप अभिबृद्धी कार्यशाला गरिएको हो ।
कार्यशालाको उदघाटन गर्दै नगरप्रमुख तुलसीराम रेग्मी यस्ता कार्यशालाको आवश्यकता औल्याउनुभयो ।। उहाले बालबालिकाका मनोभाव बुभ्mदै अघि बढ्न अभिभावक, शिक्षक तथा सरोकारवाला सबैको भूमिका उत्तीकै हुनेमा जोड दिनुभयो ।
बालबालिकाको भावना र चाहना बमोजिम उहाहरुलाई कार्यमा अघि बढाउन बिद्यालय परिवार, अभिभावक र समाज सकारात्मक हुनु पर्ने बताउनुभयो ।
कार्यक्रममा उपप्रमुख देवी अर्याल, प्रमुख प्रशासकीय अधिकृत धर्माराज ढुङ्गानाज्यु, शिक्षा शाखा प्रमुख बाबुराम बराल, सामुदायिक बिद्यालयका प्रधानाध्यापम खुमबहादुर राना, संस्थागत बिद्यालयका प्रिन्सिपल बुद्धिसागर त्रिपाठी, माउन्ट एभरेष्ट ईंग्लिश स्कुल पोखराका प्रिन्सिपल युक्त नारायण अर्याल शिक्षक महासंघका पूर्वकार्यवाहक अध्यक्ष बन्दना लम्साल लगायतले बिद्यार्थीको मनाभाव बुझेर सिकाउन सके असल नागरिक बनाई परिवार, समाज र देशलाई नै सकारात्मक प्रभाव पार्नेमा जोड दिनुभयो ।
सोही कार्यक्रममा डा. श्रीकृष्ण वाग्ले र रोशनी सिलवाले प्रशिक्षण दिनुभएको थियो । उहाहरुले मनोसामाजिक समस्या समाधानका उपायका बिबिध सिपका बारेमा जानकारी गराएका थिए ।
खुमा अर्याल फाउन्डेसनका अध्यक्ष लेखनाथ शर्माको अध्यक्षतामा सम्पन्न कार्यक्रमको संचालन पुतलीबजार शिक्षा शाखाका शोभा बस्यालले गर्नुभएको थियो ।
प्रशिक्षण कार्यक्रममा पुतलीबजार नगरपालिका अन्र्तगतका सामुदायिक तथा संस्थागत बिद्यालयका प्रधानाध्यापक, शिक्षक, बिद्यालय ब्यवस्थापन समिति, अभिभावक लगायतको सहभागिता थियो ।