स्याङ्जा २ बैशाख । पुतलीबजार नगरपालिकाद्धारा आयोजित मेयर कप पुरुष तथा महिला भलिबल प्रतियोगिताको उपाधी वडा नं. ७ र १२ ले जितेका छन्। वडा स्तरीय प्रतियोगिता ५ दिन संचालन भएको थियो।
पुरुषतर्फ वडा नम्बर ७ ठूलाडिही र महिलातर्फको उपाधी वडा नम्बर १२ पेल्काचौरले जितेको हो। खेलमा वडा नं. १२ लाई वडा नं. ७ ले हराउँदै मेयर कप पुरुष भलिबलको उपाधि जितेको हो।
उपाधी जिजेता ठूलाडिही ले प्रथम स्थान सहित ८० हजार नगद ट्रफि मेडल र प्रमाणपत्र पाएको छ। यसैगरी उपविजतो पेल्काचौरले ५० हजार नगद सहित ट्रफि मेडल र प्रमाणपत्र हात पाएको छ।
तेस्रो स्थानको वडा नम्बर ६ टक्सारले ३० हजार रुपैयाँ नगद सहित ट्रफी, मेडल र प्रमाणपत्र पायो।
यसैगरी महिलातर्फको प्रतियोगितामा वडा नम्बर १२ पेल्काचौर ले वडा नम्बर ६ टक्सार लाई हराउँदै उपाधि जित्न सफल भएको छ।
प्रतियोगितामा पेल्काचौर प्रथम हुँदै ४५ हजार नगद सहित ट्रफि मेडल र प्रमाणपत्र उपविजेता वडा नम्बर ६ टक्सार दोस्रो स्थान मा रहदैै ३५ हजार नगद सहित ट्रफि मेडल र प्रमाणपत्र पाएको छ।
तेस्रो स्थानमा आएको वडा नम्बर १३ सातुपसल ले २० हजार रुपैयाँ नगदसहित ट्रफी, मेडल र प्रमाणपत्र पाएको छ।
भलिबल प्रतियोगितामा पुरुषतर्फ उत्कृष्ट खेलाडी ७ ठूलाडिही का सन्जु बिक्रम शाह, उत्कृष्ट सर्भर ७ ठूलाडिहीका सूर्य श्रेष्ठ, उत्कृष्ट डिफेन्डर १२ का जापान गुरुङ, उत्कृष्ट सेटर मा ७ का अन्जन केसी, उत्कृष्ट स्पाइकरमा र ६ राजु गुरुङ, उत्कृष्ट ब्लकर मा र १२ का मनोज भुजेल रहनुभएको छ । वडा नम्बर ७ का उत्तम थापा प्रशिक्षक मा उत्कृष्ट घोषित भए।
महिलातर्फ उत्कृष्ट खेलाडीमा पुतलीबजार १२ पेल्काचौरका सुदिना गुरुङ , उत्कृष्ट सर्भरमा ६ टक्सारका दिया गुरुङ, उत्कृष्ट डिफेन्डरमा १२ का लोकशिला गुरुङ, उत्कृष्ट सेटरमा ६ का अनुष्का गुरुङ, उत्कृष्ट स्पाइकरमा १२ का सदिक्षा गुरुङ, उत्कृष्ट ब्लकरमा १३ का पूर्णता शाही र उत्कृष्ट प्रशिक्षकमा वडा नम्बर १२ पेल्काचौरका पदम गुरुङ उत्कृष्ट भएका हुन।
विजयी खेलाडीलाई पुरस्कार एवं ट्रफि प्रदान गर्दै गरप्रमुख तुलसी रेग्मीले पुतलीबजार खेलकूदको हब बन्दै गएको बताउनुभयो । खेलकुदका पूर्वाधारसंगै आवश्यक सिप तथा तालिमको समेत ब्यवस्थापन गरिदै जाने उनले भने। पछिल्लो समय पुतलीबजारमा क्रिकेट, भविलवल र फुटवल जस्ता खेलमा निकै राम्रा खेलाडी उत्पादन हुन थालेको समेत जानकारी गराउनुभयो ।
उपप्रमुख देवी अर्याल, प्रमुख प्रशासकीय अधिकृत धर्मराज ढुङ्गाना, नगर प्रवक्ता मनोज पौडेलले शुभकामना सबैका लागि खेल र स्वास्थ्यका लागि पनि खेल भएकोमा जोड दिनुभयो ।
पुतलीबजार नगर खेलकुद समितिका अध्यक्ष यामप्रसाद गुरुङ्गको अध्यक्षतामा सम्पन्न कार्यक्रमको सञ्चालन शिक्षा शाखा शोभा बस्यालले गर्नुभएको थियो । प्रतियोगितामा पुरुषतर्फ १० र महिलातर्फ ४ समूह प्रतिस्पर्धामा थिए।