स्याङ्जा ७ असोज । पुष्प —चन्द्र ट्रष्टको दोश्रो साधारणसभा सम्पन्न भएको छ । अघिल्ला कार्यकालका प्रतिवेदन पारित र आगामी दिनका कार्ययोजना सार्वजनिकरण गर्दै ट्रष्ट स्थापना र संचालनका लागि सहयोग पुरयाउने ५ जनालाई सम्मान एवं अभिनन्दन गर्दै सभा सम्पन्न भएको हो ।
पुतलीबजार नगरपालिका ३ बाडखोला स्थित सूर्योदय क्लबको भवनमा आयोजित साधारणसभाको उदघाटन गर्दै पुतलीबजार नगरपालिका ३ का वडा सदस्य अमिरबक्स मियाले पुष्पमान श्रेष्ठ र चन्द्र लक्ष्मीको सामाजिक योगदानको चर्चा गर्नुभएको थियो । तत्कालिन अवस्थामा पुष्पमानले सामाजिक क्षेत्रमा गरेका कामको स्मरण गराउनुभयो ।
पुष्पमान श्रेष्ठ निस्वार्थ भावबाट प्रेरित भएका एक हक्की, निडर, सामाजिक, राजनीतिकर्मी अभियन्ता भएको बताउनुभयो । पुष्पमानले तत्कालिन टाठाबाठा र सामन्तीसोचबाट प्रेरित ब्यक्तिका बिरुद्धमा आवाज उठाउदै गरिब तथा निमुखाको पक्षमा धेरै काम गरेको बताउनुभयो ।
कार्यक्रममा ट्रष्ट संस्थापक सदस्य द्धय ओमप्रकाश शर्मा र अनन्तकुमार श्रेष्ठ, पूर्व प्रधानाध्यापक ऋषिराम शर्मा, रेडियो स्याङजा तथा टेलिभिजनका ब्यवस्थापक रमेश गोदार, युवा समाजसेवी मोतिप्रसाद मरासीनी, समाजसेवी रामचन्द्र गिरी र शालिकराम शर्माले पुष्पमान र चन्द्रलक्ष्मीका योगदानका बारेमा चर्चा एवं स्मरण मन्तब्य ब्यक्त गर्नुभएको थियो ।
सोही कार्यक्रममा ट्रष्टका संस्थापक सदस्य द्धय ओमप्रकाश शर्मा, अनन्तकुमार श्रेष्ठ र पूर्व प्रधानाध्यापक ऋषिराम शर्मालाई अभिनन्दन र रेडियो स्याङजा तथा टेलिभिजनका ब्यवस्थापक रमेश गोदार, युवा मोतिप्रसाद मरासीनीलाई सम्मान गरिएको थियो ।
बिभिन्न क्षेत्रमा क्रियाशिल रहेर पनि पुष्प(चन्द्र ट्रष्टको संस्थापना संगै आजसम्मका गतिबिधिमा साथ र सहयोग गर्दे महत्वपूर्ण योगदान पुरयाएको भन्दै सामाजिक ,शैक्षिक , बैंकिङ एवं पत्रकारिता क्षेत्रलाई समेटदै अभिनन्दन एवं सम्मान गरिएको हो ।
पुष्प —चन्द्र ट्रष्टका अध्यक्ष महेन्द्रमान ब्यथितको अध्यक्षतामा सम्पन्न कार्यक्रममा ट्रष्टका संरक्षक बिद्या श्रेष्ठले स्वागत, अर्का संरक्षक अनन्तमान श्रेष्ठले आर्थिक तथा प्रगती प्रतिवेदन प्रस्तुत गर्नुभएको थियो भने संरक्षक योगेन्द्रमान श्रेष्ठले कार्यक्रम संचालन गर्नुभएको थियो ।
विस २०७८ सालमा स्थापित ट्रष्टले काजीमान हरिटिकामा पुष्प चन्द्र स्मृति अक्षयकोष स्थापना गर्नुका साथै नानीबाबुको मुहारमा खुशी भन्ने नाराका साथ ८ सय ८५ जना बिद्यार्थीलाइै शैक्षिक सामाग्री बितारण गरेको, राष्ट्रिय स्तरको कबिता महोत्सव सम्पन्न गरिसकेको र आउदा दिनमा पनि यस्ता कार्यक्रमलाइृ निरन्तरता दिइदै जाने संरक्षण योगेन्द्रमान श्रेष्ठले जानकारी दिनुभयो ।
