स्याङ्जा १० असोज । पुतलीबजार नगरपालिकाले पुतलीबजार नगरपालिका वडा नं. १४ लामागे का बालबालिकालाई पंचेबाजाको सेट उपलब्ध गराएको छ । पढ्दै कमाउदै भन्ने योजना अनुरुप नगरपालिकाले नेपालीहरुका मौलिक बाजा पंचेबाजाको सेट उपलब्ध गराएको नगरप्रमुख तुलसीराम रेग्मीले जानकारी गराउनुभयो ।
बाजा हस्तान्तरण गर्दै उहाले पंचेबाजामा लामागेको नाम जताजतै प्रख्यात रहे झै अवका बालबालिकाले पनि सो नामलाई टिकाइराख्न समेत सुझाव दिनुभयो । अध्ययन संगसंगै अतिरिक्त सिकेका अन्य क्रियाकलापले मानिसलाई जागरिलो एवं उद्यमशील बनाउने प्रमुख रेग्मीको भनाई छ ।
पञ्चैबाजामा दमाहा, झ्याली, ट्याम्को, ढोलकी र सहनाई पर्दछन्। पन्चे बाजा, नेपाली धार्मिक एबम् साँस्कृतिक बाजाको रूपमा प्रयोग हुदै आएको मौलिक संस्कृतिको धरोहर हो । यो बाजा विभिन्न धार्मिक तथा सामाजिक उत्सवको बेलामा बजाउने गरिन्छ जस्तै विवाह, व्रतवन्ध, चाडबाड, जात्रा, रोपाईं, पूजा(आजामा प्रयोग गरिन्छ ।
कार्यक्रममा उपप्रमुख देवी अर्याल, प्रमुख प्रशासकिय अधिकृत धर्मराज ढुंगाना, पुतलीबजार नगरपालिका १४ का अध्यक्ष गजेन्द्रप्रकाश मल्ल, सदस्य मुबारक मिया लगायतले शुभकामना मन्तब्य सहित पंचे बाजाको संरक्षण र सम्बद्र्धनमा जोड दिनु सुझाव सहित फूर्सदको समयमा बाजागाजा बजाउन सिक्नु र अन्यलाई पनि सिकाउन सुझाव दिनुभयो ।
हस्तान्तरण कार्यक्रमको सहजीकरण पुतलीबजार स्वास्थ्य शाखा प्रमुख अनिषा सुवेदीले गर्नुभएको थियो ।