स्याङ्जा २१ फागुन । प्रतिनिधिसभा सदस्य राजु थापाले प्रस्तावित शिक्षा ऐन चालु संसद अधिवेशनबाटै पारित हुने बताउनु भएको छ ।
स्याङ्जाको पुतलीबजार नगरपालिका वडा नं. ५ स्थित शीतला माध्यमिक बिद्यालयको ५१ औं बार्षिकोत्सव तथा अभिभावक दिवसको बिहीवार उदघाटन गर्दै सांसद थापाले अब बन्ने ऐनमा शिक्षकका सबै माग पुरा गर्न राज्यका स्रोत असंभव भएपनि ७५ प्रतिशत शिक्षकका समस्या समाधान हुने स्पष्ट पार्नुभएको छ ।
केही देशी विदेशी शक्ति शिक्षा क्षेत्र अस्तब्यस्त पार्न उद्यत रहेको बताउदै थापाले शिक्षकहरु नै जिम्मेवार भएर आफनो कर्तब्य पथमा क्रियाशील हुन आग्रह गर्नुभयो ।
कार्यक्रममा प्रदेश सांसद पञ्चराम गुरुङ, जिल्ला समन्वय समितिका उपप्रमुख खडगराज सुवेदी, पुतलीबजार नगरप्रमुख तुलसीराम रेग्मी, पूर्व प्रधानाध्यापक पिताम्बर नेपाली र ओमप्रकाश शर्मा, वडा अध्यक्ष अर्जुन कार्की, पूर्व वडाअध्यक्ष रामचन्द्र रेग्मी, डा. ज्ञानबहादुर कार्की लगायतले शुभकामना मन्तब्य ब्यक्त गर्नुभएको थियो ।
बिद्यालय ब्यवस्थापन समितिका अध्यक्ष शैलेन्द्रजंग कार्कीको अध्यक्षतामा सम्पन्न सो कार्यक्रममा सहायक प्रधानाध्यापक दिपक रेग्मीले स्वागत शिक्षक अप्सरा गोदारले संचालन र प्रअ बलराम दोरंगाले बिद्यालयका गतिबिधिका बारे प्रतिवेदन प्रस्तुत गर्नुभएको थियो ।
यसैगरी, लामो समयदेखि शिक्षा क्षेत्रमा काम गर्नुभएको स्याङ्जाका ४ जना पूर्व प्रधानाध्यापकलाई शीतला माध्यमिक बिद्यालयको ५१ औं बार्षिकोत्सवको अवसरमा सम्मानित गरिएको छ ।
स्याङ्जाका बिभिन्न बिद्यालयमा प्रधानाध्यापकको भूमिका कुशलतापूर्व सम्पन्न गरेको जनाउदै शीतला माविका पूर्व प्रधानाध्यापक पिताम्बर नेपाली, त्रिभुबन शर्मा, कुलानन्द शर्मा र ओमप्रकाश शर्मालाई प्रतिनिधिसभा सदस्य राजु थापाले सम्मानित गर्नुभएको हो ।